بنگلورو، 18 اکتوبر (یو این آئی) سرفراز خان (70 ناٹ آؤٹ)، وراٹ کوہلی (70) اور کپتان روہت شرما (52) کی نصف سنچریوں کی مدد سے ہندوستان نے پہلے ٹیسٹ میچ کی دوسری اننگز میں تین وکٹ پر 231 رن بنائے ہیں۔ تاہم، نیوزی لینڈ سے 125 رنز پیچھے ہونے کی وجہ سے دن کی آخری گیند پر وارٹ کا وکٹ گنوانے سے ہندوستان کی واپسی کو دھچکہ لگا ہے۔پہلی اننگز میں نیوزی لینڈ کے 402 رنز کے جواب میں دوسری اننگز میں بیٹنگ کرنے اتری ہندوستانی ٹیم نے اس بار محتاط انداز میں آغاز کیا۔ یشسوی جیسوال اور روہت شرما کی اوپننگ جوڑی نے پہلی وکٹ کے لیے 72 رنز جوڑے۔ 18ویں اوور کی پہلی گیند پر اعجاز پٹیل نے یشسوی جیسوال (35) کو بلنڈل کے ہاتھوں اسٹمپ کر کے نیوزی لینڈ کو پہلی کامیابی دلائی۔ نئے بلے باز وراٹ کوہلی نے کپتان کا ساتھ دیا اور ٹیم کے اسکور کو 95 رنز تک پہنچایا، جہاں ایک بار پھر پٹیل نے اپنے کارنامے دکھائے اور روہت کو آؤٹ کر کے ہندوستان کو دوسرا جھٹکا دیا۔ 63 گیندوں کا سامنا کرتے ہوئے روہت نے آٹھ چوکوں اور ایک چھکے کی مدد سے شاندار 52 رنز بنائے۔سرفراز خان نے تیسری وکٹ کے لیے وراٹ کا بھرپور ساتھ دیا اور ٹیم کے اسکور کو 231 رنز تک لے گئے۔ کھیل کے اختتام پر فلپس کی آخری گیند پر وراٹ بلنڈل کے ہاتھوں کیچ ہو گئے۔ 102 گیندوں کا سامنا کرتے ہوئے وراٹ نے آٹھ چوکوں اور ایک چھکے کی مدد سے 70 رنز بنائے۔ سرفراز نے 78 گیندوں کا سامنا کیا اور تین چھکوں اور سات چوکوں کی مدد سے 70 رنز بنانے کے بعد ناٹ آؤٹ رہے۔نیوزی لینڈ کی جانب سے اعجاز پٹیل نے دو اور گلین فلپس نے ایک وکٹ حاصل کی۔اس سے قبل کلدیپ یادو اور رویندر جڈیجہ (تین تین) کی بدولت ہندوستان نے نیوزی لینڈ کی پہلی اننگز کو 402 کے اسکور سے آگے بڑھنے نہیں دیا تھا۔ تاہم ہندوستان پہلی اننگز کی بنیاد پر نیوزی لینڈ سے 356 رنز پیچھے ہے۔لنچ کے بعد محمد سراج نے نیوزی لینڈ کو بڑے اسکور کی طرف لے جانے والے ٹم ساؤتھی (65) کو آؤٹ کر کے پویلین کی راہ دکھائی۔ اس کے بعد کلدیپ یادو نے اعجاز پٹیل (چار) کو ایل بی ڈبلیو کیا۔ کلدیپ نے رچن رویندرا (134) کو آؤٹ کرکے نیوزی لینڈ کی پہلی اننگز کا خاتمہ کیا۔یہاں آج نیوزی لینڈ نے کل کے اسکور تین وکٹوں پر 180 رنز سے آگے کھیلنا شروع کیا۔ صبح کے سیشن میں محمد سراج نے ڈیرن مچل (18) کو آؤٹ کرکے ہندوستان کو چوتھی کامیابی دلائی۔ جسپریت بمراہ نے ٹام بلنڈل (5) کو آؤٹ کر کے پویلین بھیج دیا۔ گلین فلپس اور میٹ ہنری کو جڈیجا نے آؤٹ کیا۔ اس دوران راچن رویندرا نے اپنے ٹیسٹ کیریئر کی دوسری سنچری (104) اسکور کی۔ انہوں نے اپنی سنچری اننگز میں 11 چوکے اور دو چھکے لگائے۔ اور ٹم ساؤتھی 49 رنز بنانے کے بعد بیٹنگ کر رہے ہیں۔ دونوں کے درمیان آٹھویں وکٹ کے لیے 112 رنز کی شراکت داری ہے۔ نیوزی لینڈ کو 299 رنز کی برتری حاصل ہے۔ ٹیم ساوتھی اپنی ساتویں ٹیسٹ نصف سنچری سے ایک رن دور ہیں۔ہندوستان کی جانب سے رویندرا جڈیجا اور کلدیپ یادیو نے تین تین وکٹیں حاصل کیں۔ محمد سراج نے دو وکٹیں حاصل کیں۔ جسپریت بمراہ، آر اشون نے ایک ایک بلے باز کو آؤٹ کیا۔گزشتہ روز ٹاس جیت کر پہلے بلے بازی کرنے کا فیصلہ کرنے والی ٹیم انڈیاپہلی اننگز میں صرف 46 رنز بنا سکی۔ جواب میں دوسرے دن کا کھیل ختم ہونے تک نیوزی لینڈ نے اپنی پہلی اننگز میں تین وکٹوں کے نقصان پر 180 رنز بنا لیے تھے۔ ٹیسٹ کا پہلا دن بارش کی نذر ہو گیا تھا۔
