23views
شہر کے مختلف تھانوں میں 44 مقدمات درج ہیں
جدید بھارت نیوز سروس
رانچی، 10 اکتوبر:۔ مجرمانہ واردات کو انجام دینے سے پہلے مورابادی میدان سے ایک ہسٹری شیٹر مجرم کو گرفتار کیا گیا ہے۔ ایس ایس پی چندن سنہا نے جمعرات کو ایک پریس کانفرنس میں بتایا کہ ایک مجرم مورہآبادی سبزی منڈی کے قریب کسی بڑی واردات کو انجام دینے کا منصوبہ بنا رہا ہے۔ جس کے بعد چھاپہ مار ٹیم تشکیل دی گئی۔ چھاپہ مار ٹیم نے موقع پر پہنچ کر محاصرہ کیا تو مورہآبادی سبزی منڈی کے قریب سے ایک شخص کو غیر قانونی اسلحہ سمیت پکڑا گیا جس کے قبضے سے بھاری مقدار میں دیسی ساختہ پستول برآمد ہوا۔ گرفتار مجرم کی شناخت راجیو رنجن سنگھ کے طور پر ہوئی ہے۔ وہ اصل میں لوہردگا ضلع کا رہنے والا ہے اور فی الحال ہرمو ہاؤسنگ کالونی میں رہتا تھا۔ ان کے خلاف رانچی کے مختلف تھانوں میں کل 44 مقدمات درج ہیں۔
