30views
جدید بھارت نیوز سروس
رانچی، 30 ستمبر:۔جھارکھنڈ اندولن کاری سنگھرش مورچہ کے ایک وفد نے آج جھارکھنڈ کے وزیر اعلیٰ ہیمنت سورین سے ملاقات کی۔انہوں نے وزیر اعلیٰ کو اپنے مطالبات کے حوالے سے ایک یادداشت پیش کرتے ہوئے اپنے جذبات کا اظہار کیا۔ وزیر اعلیٰ نے کہا کہ جھارکھنڈ کو طویل جدوجہد کے بعد علیحدہ ریاست ملی۔ اس کے لیے ایک طویل جنگ لڑنی پڑی۔ کئی اندولن کاریوں نے اپنی شہادتیں بھی دیں۔ ہم جھارکھنڈ کے تمام مظاہرین کا احترام کرتے ہیں۔ ہماری حکومت جھارکھنڈ کے اندولن کاری اور ان کے خاندان کے ممبران؍ان پر انحصار کرنے والوں کو عزت اور حقوق فراہم کرنے کے لیے پوری طرح پابند ہے۔وزیر اعلیٰ سے ملاقات کرنے والے وفد میں ویشیا مہتو، پشکر مہتو، روزلین ٹرکی، سروجنی کچھپ، جتیندر سنگھ کشواہا، کارتک مہاٹھا، امتیاز خان، رقیب خان، سیتا دیوی اور جیتن کول شامل تھے۔
