گال، 23 ستمبر (یو این آئی) پربت جے سوریا کی شاندار گیند بازی کی بدولت سری لنکا نے پہلے ٹیسٹ میچ کے پانچویں دن پیر کو نیوزی لینڈ کو 68 رنز سے شکست دے دی۔آج میچ کے پانچویں روز نیوزی لینڈ کی ٹیم نے کل کے اسکور آٹھ وکٹوں پر 207 رنز سے آگے کھیلنا شروع کیا۔ ٹیم کے اسکور میں صرف دو رنز کا اضافہ ہوا تھا جب پربت نے سنچری کے راستے پر موجود راچن رویندرا (92) کو ایل بی ڈبلیو کر کے پویلین بھیج دیا۔ دو رنز کے بعد پربت نے ولیم اورورک (0) کو بولڈ کر کے نیوزی لینڈ کی اننگز کو 211 پر سمیٹ دیا اور میچ 68 رنز سے جیت لیا۔ میچ میں نو وکٹیں لینے والے سری لنکا کے اسپنر پربت جے سوریا کو عمدہ باؤلنگ پر پلیئر آف دی میچ کا ایوارڈ دیا گیا۔اس سے قبل 275 رنز کے ہدف کے تعاقب میں نیوزی لینڈ کی شروعات اچھی نہیں رہی اور وہ چھ رنز کے اسکور پر ڈیون کونوے (چار) کی وکٹ گنوا بیٹھے۔ اس کے بعد پربت نے کین ولیمسن (30) کو کے۔ مینڈس کے ہاتھوں اسٹمپ آؤٹ کیا۔ ٹام لیتھم (28) کو دھننجے نے ایل بی ڈبلیو کیا۔ ٹام بلنڈل (30) پربت کے ہاتھوں بولڈ ہوئے۔ نیوزی لینڈ کی جانب سے راچن رویندرا نے سب سے زیادہ 92 رنز بنائے۔ نیوزی لینڈ کے سات کھلاڑی ڈبل فیگر میں بھی نہ پہنچ سکے۔سری لنکا کی جانب سے پربت جے سوریا نے 68 رنز کے عوض پانچ وکٹیں حاصل کیں۔ رمیش مینڈس نے تین وکٹیں حاصل کیں۔ دھنجے ڈی سلوا اور اسیتھا فرنینڈو نے ایک ایک بلے باز کو آؤٹ کیا۔سری لنکا نے دوسری اننگز میں دیموت کرونارتنے (86)، دنیش چندیمل (61) اور اینجلو میتھیوز (50) کی نصف سنچریوں کی بنیاد پر 309 رنز بنائے تھے۔ نیوزی لینڈ کے گیند بازوں نے سری لنکا کو چوتھے دن کے دوسرے سیشن سے قبل ہی دوسری اننگز میں 309 رنز پر ڈھیر کر دیا تھا۔ نیوزی لینڈ کی جانب سے اعجاز پٹیل نے چھ وکٹیں حاصل کیں۔ ولیم اورورک نے تین وکٹیں حاصل کیں۔ مچل سینٹنر نے ایک بلے باز کو آؤٹ کیا تھا۔پہلی اننگز میں سری لنکا نے کامندو مینڈس (114) کی سنچری اور کوسل مینڈس (50) کی نصف سنچری کی بدولت 305 رنز بنائے تھے۔ نیوزی لینڈ کی جانب سے ولیم اورورک نے پانچ وکٹیں حاصل کیں۔ اعجاز پٹیل اور گلین فلپس نے دو دو وکٹیں حاصل کیں۔ ٹم ساؤتھی نے ایک بلے باز کو آؤٹ کیا تھا۔نیوزی لینڈ نے پہلی اننگز میں ٹام لیتھم (70)، ڈیرل مچل (57)، کین ولیمسن (55) اور گلین فلپس (ناٹ آؤٹ 49) کی اننگز کی بدولت 340 رنز بنائے تھے۔ سری لنکا کی جانب سے پربت جے سوریا نے چار وکٹیں حاصل کیں۔ رمیش مینڈس نے تین وکٹیں حاصل کیں۔ دھنجے ڈی سلوا نے دو بلے بازوں کو آؤٹ کیا تھا۔
29
www.jadeedbharat.com – The site publishes reliable news from around the world to the public, the website presents timely news on politics, views, commentary, campus, business, sports, entertainment, technology and world news.
You Might Also Like
جنوبی افریقہ کو پہلی اننگ میں 34 رن کی برتری حاصل
میرپور ٹیسٹ میں تیج الاسلام نے 5 وکٹیں حاصل کیں، بنگلہ دیش پہلی اننگ میں 106 رن بنائے میرپور، 21...
کشمیر میراتھن دنیا کے ٹاپ ایتھلیٹک مقابلوں میں سے ایک بنے گی: عمر
سری نگر، 20 اکتوبر (یو این آئی) جموں و کشمیر کے وزیر اعلیٰ عمر عبداللہ نے اتوار کو کہا کہ...
ہاکی انڈیا نے جرمنی ہاکی سیریز کیلئے 22 رکنی ہندوستانی ٹیم کا اعلان کیا
ہندوستان اور جرمنی کےبیچ یہ میچ 23 اور 24 اکتوبر کو میجر دھیان چند نیشنل اسٹیڈیم میں کھیلے جائیں گے...
ہندوستان 36 سال بعد اپنے گھر میں نیوزی لینڈ سے ٹیسٹ میں شکست کھائی
سرفراز اور پنت کی شاندار بلے بازی جیت نہیں دلاسکی بنگلورو، 20 اکتوبر (یو این آئی) راچن رویندرا کی شاندار...