جدید بھارت نیوز سروس
دھنباد، 18 اکتوبر:۔ جھارکھنڈ-مغربی بنگال کی سرحد پر واقع میتھن میں چیک پوسٹ پر جمعہ کی صبح گاڑیوں کی چیکنگ کے دوران، پولیس نے دو گاڑیوں سے 2.75 لاکھ روپے نقد اور دوپہر کو تیسری گاڑی سے 2.92 لاکھ روپے کی نقدی برآمد کی۔ اس طرح کل 5.67 لاکھ روپے کی وصولی ہوئی۔ اس کے علاوہ ایک کار کے ٹرنک سے بیئر کی بوتلوں کے تین ڈبے ضبط کیے گئے۔ میتھن تھانہ نے رقم لے جارہے دونوں لوگوں سے پوچھ گچھ کے بعد وارننگ دے کر رہا کر دیا ہے۔ ساتھ ہی جس کار سے بیئر برآمد ہوئی اس کار کے ڈرائیور شمیم نے پولیس کو بتایا کہ یہ کار ابھیشیک گڑیا کی ہے، جو چرکنڈا کے چودھری بردرس کے مالک ہیں۔ وہ صبح کار مالک کے بچوں کو آسنسول اسکول چھوڑنے کے بعد واپس چرکنڈا واپس آرہا تھا۔ بیئر کی بوتلیں پہلے سے ٹرنک میں رکھی تھی۔ وہ اس بارے میں زیادہ نہیں جانتا۔ پولیس نے گاڑی کو قبضے میں لے کر پورے معاملے کی تفتیش شروع کر دی ہے۔
