International

والد کے ترکے پر 30 بھائیوں میں جھگڑا، ایک دوسرے کے خلاف مقدمے

100views

سعودی وکیل سعد بن منصور العنبق 30 سگے بھائیوں کے درمیان والد کے ترکے پر مقدمے بازی کی کہانی سامنے لے کر آئے ہیں۔ 

اخبار24 کے مطابق  سعودی وکیل سعد العنبق نے بتایا ’سعودی شہری نے 20 ملین ریال کا ترکہ چھوڑا تھا۔ اس پر 30 بیٹوں کے درمیان مقدمے بازی چل رہی ہے۔ ہر ایک نے دوسرے کے خلاف مقدمے دائر کررکھے ہیں۔‘

سعودی وکیل کا کہنا ہے ’متوفی شہری نے بیس ملین ریال سے زیادہ مالیت کی غیر منقولہ جائیدادیں اور نقدی چھوڑی تھی۔‘

ترکے میں وہ جائیداد شامل ہے جسے سعودی شہری مرنے سے قبل اپنے ایک وارث کے نام کرچکا تھا۔ 

سعودی شہری کے انتقال کے بعد وارثوں کے درمیان ترکے کی تقسیم اور اس میں اپنا حق ثابت کرنے کے حوالے سے جھگڑا ہو گیا۔ ایک دوسرے کے خلاف اب تک 20 مقدمے دائر کر چکے ہیں۔ 

وکیل نے بتایا بعض مقدمات میں عدالتیں حتمی فیصلے جاری کر چکی ہیں جبکہ کچھ مقدمات ایسے ہیں جو ابھی زیر سماعت ہیں۔

Follow us on Google News
Jadeed Bharat
www.jadeedbharat.com – The site publishes reliable news from around the world to the public, the website presents timely news on politics, views, commentary, campus, business, sports, entertainment, technology and world news.