2011 کے ہمد باہنی کے تشدد کو یاد دلایا
جدید بھارت نیوز سروس
کولکاتہ :وزیر اعلیٰ ممتا بنرجی نے نیتائی دیوس کے موقع پر جھارگرام کے 9 بے گناہ شہریوں کی ہلاکت کو یاد کرتے ہوئے اپنے ایکس ہینڈل پر شہیدوں کو خراج عقیدت پیش کیا۔ 7 جنوری 2011 کو جھارگرام کے نیتائی میں سی پی آئی (ایم) کی ہمد باہنی کے دوران فائرنگ سے نو افراد ہلاک اور کئی شدید زخمی ہوئے تھے۔اس واقعے کے بعد ہائی کورٹ بار ایسوسی ایشن نے مفاد عامہ کی عرضی دائر کی، جس کے تحت سی بی آئی تحقیقات کا حکم دیا گیا اور مرنے والوں کے اہل خانہ اور زخمیوں کو مالی امداد فراہم کرنے کی ہدایت کی گئی۔ بائیں بازو کی حکومت نے اس حکم کے خلاف اپیل کی تھی، مگر سپریم کورٹ نے ہائی کورٹ کے فیصلے کو برقرار رکھا۔ جولائی 2011 میں وزیر اعلیٰ ممتا بنرجی نے مرنے والوں کے اہل خانہ کو پانچ لاکھ روپے اور زخمیوں کو مالی امداد فراہم کی۔2012 سے ترنمول کانگریس ہر سال نیتائی دیوس کو شہداء کے طور پر یاد کرتی ہے، اور اس سال بھی بدھ کی صبح وزیر اعلیٰ نے اپنے سوشل میڈیا اکاؤنٹ پر لکھاآج 2011 میں، جھارگرام ضلع کے نیتائی گاؤں میں مسلح افواج کے ہاتھوں 9 معصوم لوگوں کی جانیں گئیں۔ میں نیتائی کے ان تمام شہیدوں کو دلی خراج عقیدت پیش کرتی ہوں۔
