ریاستی وزیر کے بیٹے کے دھابے پر ای ڈی کا چھاپہ ، رات بھر تلاشی لی گئی

جدید بھارت نیوز سروس
کولکتہ: میونسپل بھرتی گھوٹالہ میں ای ڈی کی تلاشی رات بھر جاری رہی۔ لاکھوں روپے کی نقدی اور دستاویزات برآمد۔ میونسپل بھرتی گھوٹالہ کی تحقیقات میں ریاستی وزیر سوجیت بوس کے ریستوراں اور دفتر کی ہفتہ کو دن بھر تلاشی لی گئی۔ نقدی کے ساتھ ساتھ بڑی مقدار میں کاروبار سے متعلق دستاویزات بھی ضبط کرلئے گئے۔ وزیر کے دفتر اور ریسٹورنٹ کے ساتھ ساتھ وزیر کے بیٹے کے ریسٹورنٹ پر بھی تلاشی لی گئی۔ای ڈی حکام نے وزیر کے قریبی ساتھیوں کے گھروں کی بھی تلاشی لی۔ ای ڈی نے وزیر اور وزیر کے بیٹے کی ملکیت والے تین ریستوراں کی جانچ کی ہے۔ تلاشی کے بعد ریسٹورنٹس کو قبضے میں لے لیا گیا۔ مرکزی ایجنسی کے اہلکاروں نے کاروبار کی آمدنی اور اخراجات کے کاغذات بھی اکٹھے کئے۔ ریستوران کے کاروبار کی آڑ میں بے حساب آمدنی کی لانڈرنگ؟ ای ڈی حکام کو ریسٹورنٹ کی آمدنی اور اخراجات پر شبہ بڑھ رہا ہے۔آج سیکٹر 5 میں وزیر کے ایک اور چینی ریسٹورنٹ کی بھی تلاشی لی گئی۔ ای ڈی ذرائع کے مطابق وزیر سوجیت باسو اور وزیر کے بیٹے سے کاروباری دستاویزات مانگے جا سکتے ہیں۔ لاکھوں روپے کی نقدی برآمد ہوئی ہے۔ہفتہ کی تلاشی میں تقریباً 15 سے 20 اہلکار موجود تھے۔ ای ڈی نے جنوبی دم دم میونسپلٹی کے وائس چیئرمین نیتائی دت کے گھر اور گودام پر بھی چھاپہ مارا۔ مرکزی تفتیش کاروں نے اس سے قبل بھی میونسپل بھرتی گھوٹالہ میں نیتائی سے تقریباً 12 گھنٹے تک پوچھ گچھ کی تھی۔اس سے پہلے 2024 کے لوک سبھا انتخابات سے پہلے ای ڈی نے 12 جنوری کو سوجیت کے گھر کی تلاشی لی تھی، اس وقت ان کا موبائل ضبط کر لیا گیا تھا۔ تاہم اس بار ای ڈی نے پہلی بار ان کے دفتر پر چھاپہ مارا۔ای ڈی نے جمعہ کو نیو علی پور میں ہائی کورٹ کے وکیل امیت اگروال کے گھر کی بھی تلاشی لی۔ ای ڈی گریش پارک تھانہ علاقے میں 8 اے سرکار لین میں بھی تلاشی لے رہی ہے۔ وشال پٹوریا نامی چارٹرڈ اکائونٹنٹ کے گھر تلاشی کی کارروائی کی گئی۔