وزیر اعلیٰ ممتا بنرجی نےکیا تشویش اور غصہ کا اظہار
جدید بھارت نیوز سروس
برہم پور: اڈیشہ میں مرشد آباد کے ایک بنگالی مزدور جیول رانا کو بدھ کی شام شرپسندوں نے تشدد کا نشانہ بنایا، جس کے نتیجے میں وہ جاں بحق ہوگئے جبکہ ایک اور شخص زخمی حالت میں ہسپتال منتقل کیا گیا۔ واقعہ سوتی کے رہائشی مزدوروں کے سمبل پور میں کام کے دوران پیش آیا۔ اطلاع کے مطابق، حملہ آوروں نے دونوں مزدوروں کو گھروں سے نکال کر بری طرح پیٹا۔ پولیس جائے وقوعہ پر دیر سے پہنچی اور متاثرہ مزدوروں کو خون آلود حالت میں ہسپتال منتقل کیا، لیکن جیول رانا کی جان نہ بچ سکی۔ زخمی شخص کی حالت تشویشناک بتائی جاتی ہے۔یہ واقعہ ایسے وقت میں سامنے آیا ہے جب ملک کی بی جے پی کی حکومت والی مختلف ریاستوں میں بنگالی مہاجر کارکنوں پر حملے کے کئی واقعات رپورٹ ہو چکے ہیں۔ بنگال کی وزیر اعلیٰ ممتا بنرجی نے اس پر پہلے ہی تشویش اور غصہ کا اظہار کیا ہے۔
