اوٹاوا، 22 اکتوبر (ہ س)۔ کنشک طیارہ دہشت گردانہ دھماکہ معاملے میں بری ہوچکے مشتبہ 75 سالہ رپودمن سنگھ ملک کے قتل کے ملزمین ٹینر فاکس اور جوز لوپیز نے برٹش کولمبیا نیو ویسٹ منسٹر میں واقع سپریم کورٹ کے سامنے قتل کے جرم کا اعتراف کرلیا۔ دونوں نے سوموار کو رپودمن سنگھ ملک قتل کیس کی سماعت کے موقع پر اپنا جرمقبول کر لیا۔ کناڈا کے گلوبل نیوز چینل نے اپنی نشریات میں اس پیش رفت پر تفصیل سے بات کی ہے۔گلوبل نیوز چینل کے مطابق ملزمان ٹینر فاکس اور جوز لوپیز کی سزا پر عدالتی سماعت 31 اکتوبر سے شروع ہوگی۔ اعتراف کرنے کے بعد، فاکس اور لوپیز آپس میں الجھ گئے۔ لوپیز نے فاکس کے سر میں گھونسا مارا۔ بڑی مشکل سے دونوں کو الگ کیا جا سکا۔ فاکس اور لوپیز دونوں کا مجرمانہ ریکارڈ طویل ہے۔ دونوں نے سپاری لے کر ملک کی جان لی تھی۔ سرخ رنگ کی ٹیسلا کی ڈرائیور سیٹ پر بیٹھے ملک کو گولیوں سے بھون دیا گیا تھا۔ پولیس نے ان ملزمان سے تقریباً 16,000 ڈالر کی نقدی برآمد کی ہے۔ملک کو 14 جولائی 2022 کو سرے، برٹش کولمبیا میں گولی مار کر ہلاک کر دیا گیا تھا۔ قابل ذکر ہے کہ ملک اور شریک ملزم عجائب سنگھ باگری کو 2005 میں بڑے پیمانے پر قتل اور 1985 میں ہونے والے دو بم دھماکوں سے متعلق سازش کے الزامات سے بری کر دیا گیا تھا۔ ان دھماکوں میں 331 افراد ہلاک ہوئے تھے۔ بم بنانے والے اندرجیت سنگھ ریات کو بعد میں اس حملے میں قصوروار ٹھہرایا گیا۔ مقدمے کی سماعت کے دوران مبینہ ماسٹر مائنڈ تلویندر سنگھ پرمار کی موت ہو گئی تھی۔
8
www.jadeedbharat.com – The site publishes reliable news from around the world to the public, the website presents timely news on politics, views, commentary, campus, business, sports, entertainment, technology and world news.
You Might Also Like
فیضان نے’ بھارت ماتا کی جئے‘ کے نعرے لگائےعدالت کی شرط پوری کی
بھوپال، 22 اکتوبر (یو این آئی) مدھیہ پردیش ہائی کورٹ کی ہدایات کے بعد فیضان نثار نامی نوجوان نے، جس...
بیلا گنج میںآل انڈیا مجلس اتحاد المسلمین کو کامیاب بنانے کی اپیل
جدید بھارت نیوز سروسبیلاگنج(گیا)22 اکتوبر:بیلا گنج اسمبلی حلقہ میں ہو نے والے ضمنی اسمبلی انتخاب میںآل انڈیا مجلس اتحاد المسلمین(اے...
متحدہ عرب امارات کے ساتھ 3 لاکھ کروڑ روپے کا تاریخی ایم او یو
60 گیگا واٹ صلاحیت کے شمسی، ونڈ اینڈ ہائبرڈ پروجیکٹوں کا قیام عمل میں آئے گا جے پور، 22 اکتوبر...
برکس عالمی اداروں میں ترقی اور اصلاحات کے مسائل پر بات کرنے کے لیے ایک اہم پلیٹ فارم بن گیا ہے : مودی
نئی دہلی، 22 اکتوبر (یو این آئی) وزیر اعظم نریندر مودی نے آج کہا کہ ہندوستان برکس کو انتہائی اہمیت...