Bihar

چوتھی منزل سے طالبہ نے لگائی چھلانگ ، موت

126views

پٹنہ، یکم اکتوبر(ہ س)۔راجدھانی پٹنہ میں چوتھی منزل سے چھلانگ لگانے والی لڑکی کی موت ہوگئی۔ طا لبہ کو علاج کے لیے بورنگ روڈ سے کرجی اسپتال ریفر کیا گیا۔ پھراسے کرجی اسپتال سے ا?ئی جی آئی ایم ایس ریفر کیا گیا، جہاں ڈاکٹروں نے اسے مردہ قرار دے دیا۔ طالبہ کے چھلانگ لگانے کے بعد کچھ لوگوں نے اسے بچانے کی کوشش کی۔ جس کے بعد اسے علاج کے لیے داخل کرایا گیا۔جب طالبہ چوتھی منزل پر چھلانگ لگانے کے لیے کھڑی ہوئی تو نیچے سے کچھ لوگوں نے اسے روکنے کی کوشش کی۔ اسی دوران وہاں موجود ایک نوجوان پریم کمار نے چوتھی منزل سے گرنے والی طالبہ کو پکڑنے کی کوشش کی۔ جس میں دونوں زخمی ہوگئے اور لڑکی کو اسپتال میں داخل کرایا گیا ہے۔ یہ واقعہ بدھاکالونی تھانہ علاقہ کے ناگیشور کالونی میں پیش آیا۔ لڑکی اپنے اہل خانہ کے ساتھ اسی اپارٹمنٹ کی دوسری منزل پر کرائے پر رہتی تھی۔ بتایا جا رہا ہے کہ لڑکی کچھ دنوں سے ڈپریشن میں مبتلا تھی۔ جس کی وجہ سے اس نے خودکشی کا فیصلہ کیا۔ موقع پر موجود عینی شاہدین نے بتایا کہ لڑکی چوتھی منزل سے چیخ رہی تھی کہ وہ مرنا چاہتی ہے۔ جس کے فوراً بعد اس نے چھلانگ لگا دی۔ واقعہ کی اطلاع ملتے ہی بدھا کالونی تھانہ کی پولیس موقع پر پہنچ گئی اور مزید تفتیش شروع کر دی۔ اس پورے واقعہ کے بارے میں لا اینڈ آرڈر کے ڈی ایس پی کرشنا مراری پرساد نے کہا ہے کہ پولیس معاملے کی جانچ میں مصروف ہے۔ طالب علم کی عمر 20 سال سے کم ہے۔ طالبہ کچھ دنوں سے اپنی پڑھائی کو لے کر پریشان تھی۔ فیل ہونے کی وجہ سے طالبہ گھر سے پڑھ رہی تھی اور ڈپریشن میں تھی۔

Follow us on Google News
Jadeed Bharat
www.jadeedbharat.com – The site publishes reliable news from around the world to the public, the website presents timely news on politics, views, commentary, campus, business, sports, entertainment, technology and world news.