بلاک افسروں اور عوامی نمائندوں کے ساتھ کھجری رکن اسمبلی نے کی جائزہ میٹنگ ، کہا!
حکومت کی سبھی اسکیمیں سماج کے آخری فرد تک پہنچا چاہئے
جدید بھارت نیوز سروس
اورمانجھی ،19؍فروری: بلاک نیز سرکل دفتر اورمانجھی میں کھجری رکن اسمبلی نیز کانگریس لیجسلیچر پارٹی کے ڈپٹی لیڈر راجیش کچھپ کی صدارت میں بلاک سطحی دو شعبوں کے افسروں اور پنچایت کے عوامی نمائندوں کے ساتھ جائزہ میٹنگ کی۔ میٹنگ میں رہائشی اسکیم، توانائی محکمہ، پینے کے پانی و حفظان صحت محکمہ اور دیگر محکموں کا ایک ایک کر جائزہ لیا گیا۔ رکن اسمبلی راجیش کچھپ نے موجود عہدیداروں سے کہا کہ حکومت کی سبھی اسکیمیں زمینی سطح پر دکھنا چاہئے۔ کوئی بھی اسکیم ادھورا نہیں رہنا چاہئے۔ عوام کو سبھی اسکیموں کا فائدہ ملنا چاہئے۔ پینے کا پانی و حفظان صحت محکمہ کے اسسٹنٹ انجینئر کو ہدایت دی کہ سبھی گاؤں میں جل نل یوجنا کو جلد مکمل کیا جائے۔ ریونیو میں سبھی آن لائن سدھار کرنے کیلئے خصوصی دھیان دینے کی ہدایت دی۔ موقع پر بلاک ڈیولپمنٹ افسر کامیشور بیدیا، سرکل افسر اجون سورین، سی ڈی پی او لکشمی بھارتی، ایس ڈی او بجلی محکمہ انل کمار شرما، پینے کے پانی و حفظان صحت محکمہ کے انجینئر دیویا کجور اور پنچایت کے مکھیا سنگھ کے صدر دیپک بڑائک، پنچایت کمیٹی رکن اور وارڈ ممبران موجود تھے۔
