جدید بھارت نیوز سروس
ہزاری باغ، 19 جنوری:۔ (ایجنسی) ضلع کے وشنو گڑھ تھانہ علاقے کے تحت نارکی میں ایک سنگین سڑک حادثہ پیش آیا ہے۔ مسافر بس بے قابو ہو کر الٹ گئی جس کے نتیجے میں تین افراد جاں بحق ہو گئے۔ ایک درجن سے زائد مسافر زخمی ہیں۔ زخمی مسافروں کو علاج کے لیے وشنو گڑھ اسپتال لایا گیا ہے۔ کچھ مسافروں کی حالت تشویشناک ہے جنہیں بہتر علاج کے لیے ہزاری باغ شیخ بھیکھاری میڈیکل کالج اسپتال اور بوکارو بھیجا گیا ہے۔ اتوار کو ہزاری باغ کے وشنو گڑھ تھانہ علاقے کے تحت نارکی میں ایک سڑک حادثہ پیش آیا۔ بوکارو کے ہزاری باغ سے پھسرو جانے والی نیہا نامی مسافر بس حادثے کا شکار ہوگئی۔ اس حادثے میں تین افراد کی موت ہو گئی ہے، جب کہ ایک درجن مسافر زخمی ہیں۔ مقامی لوگوں نے پولیس کو اطلاع دی ہے۔ جس کے بعد مقامی لوگوں اور انتظامیہ کی جانب سے امدادی کام تیز کر دیا گیا ہے۔ اس حادثے کے بارے میں عینی شاہدین اور زخمی مسافروں کا کہنا ہے کہ یہ حادثہ بس کا ٹائر پھٹنے سے پیش آیا۔ بس کا ٹائر پھٹتے ہی بے قابو ہو کر الٹ گیا۔ اس حادثے میں درجنوں افراد زخمی اور تین افراد کی موقع پر ہی موت ہو گئی۔ زخمی مسافر نے بتایا کہ گاڑی میں سیٹوں سے زیادہ لوگ بیٹھے تھے، پوری بس بھری ہوئی تھی۔
