جدید بھارت نیوز سروس
رانچی، 22 جنوری:۔ جھارکھنڈ کی متحرک آئی اے ایس آفیسر پوجا سنگھل کو عدالت کے بعد اب جھارکھنڈ حکومت سے بڑی راحت ملی ہے۔ پی ایم ایل اے کورٹ سے ضمانت ملنے کے بعد جھارکھنڈ حکومت نے بھی انکی معطلی کو منسوخ کر دیا ہے۔ محکمہ پرسونل ایڈمنسٹریٹو ریفارمز نے انڈین ایڈمنسٹریٹو سروس (آئی اے ایس) آفیسر پوجا سنگھل کی معطلی کو منسوخ کرتے ہوئے نوٹیفکیشن جاری کیا ہے۔ انہیں 7 دسمبر 2024 سے ان کی معطلی کو منسوخ کیا گیا ہے۔ انہیں 7 دسمبر 2024 کو پی ایم ایل اے کورٹ سے ضمانت ملی تھی۔ معطلی کی جائزہ کمیٹی نے ان کی معطلی پر غور کیا اور پوجا سنگھل کو معطلی سے آزاد کرنے کی سفارش کی۔ اس کی روشنی میں پوجا سنگھل کی معطلی کو منسوخ کیا گیا ہے۔ ان کی معطلی کی مدت کے حوالے سے الگ سے فیصلہ کیا جائے گا۔ فی الحال پوجا سنگھل پرسنل ایڈمنسٹریٹو ریفارمز ڈیپارٹمنٹ میں اپنا حصہ ڈالیں گی۔پوجا سنگھل کو انفورسمنٹ ڈائریکٹوریٹ (ای ڈی) نے پی ایم ایل اے 2002 کی دفعہ 19 کے تحت گرفتار کیا تھا۔ اس کے بعد انہیں 12 مئی 2022 کو معطل کر دیا گیا۔ اس طرح پوجا سنگھل تقریباً 2 سال 8 ماہ تک معطل رہیں۔ وہ انڈین ایڈمنسٹریٹو سروس کی 2000 بیچ کی افسر ہیں۔ اس وقت وہ جھارکھنڈ میں سکریٹری رینک کی افسر ہیں۔ پوجا سنگھل کو غیر متناسب اثاثہ جات کیس میں گرفتار کیا گیا تھا۔ ان کے شوہر ابھیشیک جھا کے سی اے سمن کمار کے ٹھکانے سے 20 کروڑ روپے سے زیادہ کی نقدی برآمد ہوئی ہے۔
