جرمن کلب نے مداحوں کے ردعمل کے بعد اسرائیلی اسٹرائیکر سے معاہدہ منسوخ کر دیا

برلن ، 06 اگست (یواین آئی)اسرائیل کے بین الاقوامی فٹبالر شان ویسمن کی اسپین کے گرانادا کلب سے جرمنی کے فورٹونا ڈسلڈورف کلب میں منتقلی متوقع تھی، لیکن مداحوں کے شدید ردعمل کے باعث کلب نے معاہدہ واپس لے لیا۔اسرائیلی فٹبالر و اسٹرائیکر شان ویسمن کو غزہ کے خلاف بیان بازی کا خمیازہ بھگتنا پڑ گیا۔عرب میڈیا کے مطابق اسرائیلی اسٹرائیکر کو اسپینش کلب گریناڈا سے جرمن کلب فورٹونا ڈسلڈورف ٹرانسفر ہونا تھا، انہیں جرمن فٹبال فینز کے شدید دباؤ کے بعد کلب نے سائن نہیں کیا۔رپورٹ کے مطابق اسرائیلی اسٹرائیکر ویسمن نے غزہ کے خلاف 200 سے زائد سوشل میڈیا پوسٹ کی تھیں، سوشل میڈیا پر ویسمن نے کہا تھا کہ فوج غزہ کو نقشے سے مٹادے، 200 ٹن بم گرائے۔اس حوالے سے جرمن فٹبال فینز کے دباؤ پر جرمن کلب ڈسلڈرف کو معاہدہ روکنا پڑا۔