انڈر 17 کے دونوں زمروں میں چھوٹاناگپور چیمپئن ، بوائز انڈر 15 میں سنتھال کا جلوہ
جدید بھارت نیوز سروس
رانچی،19؍جولائی: 64 واں ریاستی سطح کا سبروتو مکھرجی فٹ بال مقابلہ 26-2025 آج دھوم مچانے کے ساتھ اختتام پذیر ہوا۔ جھارکھنڈ ایجوکیشن پروجیکٹ ڈائرکٹر ششی رنجن نے اختتامی اور تقسیم انعامات کی تقریب میں بطور مہمان خصوصی شرکت کی۔مہمانان اعزازی میں جھارکھنڈ ایجوکیشن پروجیکٹ کونسل کے ایڈمنسٹریٹو آفیسر سچیدانند دی تیگا، ریاستی پروگرام آفیسر کم آرگنائزنگ سکریٹری دھیرسین اے سورینگ شامل ہوئے مذکورہ مہمانوں کے علاوہ مختلف اسپورٹس ایسوسی ایشنز اور سپورٹس سیل سے وابستہ عہدیداران نے بھی اختتامی تقریب میں شرکت کی۔اختتامی اور تقسیم انعامات کی تقریب سے خطاب کرتے ہوئے جھارکھنڈ ایجوکیشن پروجیکٹ ڈائریکٹر ششی رنجن نے کہا کہ بچوں نے پورے ٹورنامنٹ میں بہترین کھیلوں کی مہارت کا مظاہرہ کیا۔ مجھے امید ہے کہ جھارکھنڈ کی ٹیم قومی سبروٹو کپ فٹ بال مقابلے میں ٹرافی جیت لے گی۔انہوں نے کہا کہ قومی ٹورنامنٹ سے قبل کھلاڑیوں کے لیے خصوصی تربیتی کیمپ کا انعقاد کرنا ہے، اس میں اپنی کھیلوں کی صلاحیتوں کو نکھارنے کی کوشش کریں۔ جو ٹیم ہاری ہے اسے ہار نہیں ماننی چاہیے۔اسکول کی سطح سے ڈویژنل سطح تک منتخب ہونا اپنے آپ میں ایک بڑی کامیابی ہے۔
مختلف سطحوں پر پورے ٹورنامنٹ میں 1 لاکھ سے زیادہ بچوں نے حصہ لیا۔ ان ایک لاکھ بچوں میں جگہ بنانا بڑی فتح ہے۔شکست اختتام نہیں بلکہ
آغاز ہے، آگے بڑھنے کی تحریک ہے۔ شری ششی رنجن نے کہا کہ میں اعتماد کے ساتھ کہہ سکتا ہوں کہ فٹ بال میں جھارکھنڈ کا مستقبل روشن ہے۔ کھلاڑی اب جس عمر میں ہیں، انہیں پڑھائی کے ساتھ ساتھ کھیلوں کے لیے بھی وقف رہنا چاہیے۔
سنتھال ، شمالی چھوٹاناگپور چیمپئن
انڈر 15 بوائز کیٹیگری میں مین آف دی میچ کا ایوارڈ سنتھال ٹیم کے سورج مرمو کو دیا گیا۔ سنتھال کے وجے ہانسدا کو بہترین گول کیپر دیا گیا۔ مین آف دی ٹورنامنٹ ابھی ٹوپنو کو دیا گیا۔انڈر 15 بوائز زمرہ میں جنوبی چھوٹا ناگپور کو رنر اپ کا خطاب ملا۔ سنتھال کے جسیڈیہہ دیوگھر کی ٹیم انڈر 15 بوائز کیٹیگری میں چیمپئن بنی۔ سنتھال ٹیم نے جنوبی چھوٹا ناگپور کو 3-4 سے ہرایا۔انڈر 17 گرلز زمرہ میں مین آف دی میچ کا ایوارڈ شمالی چھوٹا ناگپور کی رینا کماری کو دیا گیا۔ نارتھ چھوٹاناگپور کی پریتی تیگا کو بہترین گول کیپر کا ایوارڈ دیا گیا۔ جنوبی چھوٹاناگپور کی دیپیکا کماری کو مین آف دی ٹورنامنٹ کا ایوارڈ دیا گیا۔جنوبی چھوٹاناگپور کو رنر اپ ٹیم کا خطاب ملا۔ انڈر 17 گرلز زمرہ میں نارتھ چھوٹا ناگپور کی لڑکیوں کی ٹیم کو چیمپئن کا ایوارڈ ملا۔ نارتھ چھوٹاناگپور کی لڑکیوں کی ٹیم نے جنوبی چھوٹاناگپور کی ٹیم کو 6-7 سے ہرا کر چیمپئن کا خطاب جیتا۔انڈر 17 بوائز کیٹیگری میں نارتھ چھوٹاناگپور ٹیم کے مہادیو بھوئیاں کو مین آف دی میچ کا ایوارڈ دیا گیا۔ نارتھ چھوٹاناگپور کے وشال ہیمبرم کو بہترین گول کیپر کا ایوارڈ دیا گیا۔ نارتھ چھوٹاناگپور کے وکی بوری کو مین آف دی ٹورنامنٹ کا ایوارڈ دیا گیا۔ سنتھال انڈر 17 بوائز کیٹیگری میں رنر اپ بنے۔ نارتھ چھوٹاناگپور ڈویژن کی ٹیم انڈر 17 بوائز زمرہ میں چیمپئن بن گئی ہے۔ نارتھ چھوٹاناگپور نے سنتھال کو 0-2 سے شکست دی۔تمام جیتنے والوں اور رنر اپ کو وزیر اعلیٰ ہیمنت سورین، محکمہ جاتی وزیر رام داس سورین، اسکولی تعلیم اور خواندگی کے سکریٹری اوماشنکر سنگھ، جھارکھنڈ کے ایجوکیشن پروجیکٹ ڈائریکٹر شری ششی رنجن، اسٹیٹ پروگرام آفیسر شری دھیرسن سورین اور کھیلوں کے دیگر افسران اور ملازمین نے مبارکباد دی ہے اور ان کے روشن مستقبل کی خواہش کی ہے۔
