وزیر اعلیٰ ہیمنت نے جھارکھنڈ کے کھلاڑیوں کو مبارکباد دی
جدید بھارت نیوز سروس
رانچی، 15 فروری:۔ وزیر اعلیٰ ہیمنت سورین نے 38ویں قومی کھیلوں میں 25 تمغے جیتنے پر جھارکھنڈ کے کھلاڑیوں کو مبارکباد دی ہے۔ انہوں نے اپنے سوشل میڈیا ہینڈل پر ڈائریکٹوریٹ آف اسپورٹس اینڈ یوتھ افیئرز، جھارکھنڈ کی پوسٹ شیئر کی اور کھلاڑیوں کو مبارکباد دی۔ اس موقع پر وزیر اعلیٰ ہیمنت سورین نے جھارکھنڈ کے کھلاڑیوں کی کامیابی پر فخر کا اظہار کیا اور ان کے مستقبل کے لیے نیک خواہشات کا اظہار کیا۔ انہوں نے یہ بھی کہا کہ جھارکھنڈ حکومت کھیلوں کی ترقی کے لیے پرعزم ہے اور کھلاڑیوں کو ہر ممکن تعاون فراہم کرے گی۔امسال قومی کھیل میں مہاراشٹرا نے 198 تمغے جیتے جس میں 54 سونے، 71 چاندی اور 73 کانسی کے تھے۔ ہریانہ کے 153 تمغوں میں 48 طلائی، 47 چاندی اور 58 کانسی کے تمغے شامل ہیں۔ اتراکھنڈ کے بعد اگلے نیشنل گیمز 2027 میں ہوں گے جس کی میزبانی میگھالیہ کرے گا۔ وزیر داخلہ امت شاہ نے 39ویں قومی کھیلوں کا جھنڈا اس شمال مشرقی ریاست کے وزیر اعلیٰ کونراڈ سنگما کے حوالے کیا جو 2027 میں کھیلوں کی میزبانی کرے گا۔ اس موقع پر وزیر داخلہ نے یہ بھی اعلان کیا کہ کھیلوں کو فروغ دینے کے لیے نہ صرف میگھالیہ میں بلکہ شمال مشرق کی دیگر چھ ریاستوں میں بھی قومی کھیلوں کے مقابلے منعقد کیے جائیں گے۔
