ریال میڈرڈ کی ایل چے کے خلاف بڑی جیت

میڈرڈ،15 مارچ (یواین آئی )ریال میڈرڈ نے لا لیگا میں اپنی برتری برقرار رکھتے ہوئے ایلچے کو 4-1 سےشکست دے دی۔ اس فتح کے ساتھ ہی ریال میڈرڈ نے پوائنٹس ٹیبل پر پہلے نمبر پر موجود بارسلونا کے ساتھ فاصلہ صرف ایک پوائنٹ تک کم کر دیا ہے۔میچ کا سب سے یادگار لمحہ ترک نوجوان اسٹار اردا گولر کا گول تھا، جنہوں نے تقریباً 70 گز کی دوری سے ایلچے کے گول کیپر کو اپنی لائن سے باہر دیکھا اور گیند کو سنٹر سرکل کے قریب سے کک مار کر جال میں پہنچا دیا۔ اس گول نے پورے اسٹیڈیم کو حیرت زدہ کر دیا۔”ہر کسی نے حیرت سے اپنے ہاتھ سر پر رکھ لیے تھے… ایسا گول دیکھنے کے لیے ٹکٹ خریدنا وصول ہے،” کوچ آلوارو اربیلوا نے میچ کے بعد کہا۔فیڈے والورڈے نے چیمپیئنز لیگ میں اپنی ہیٹ ٹرک کے بعد فارم جاری رکھتے ہوئے ایک اور شاندار گول اسکور کیا۔ اس کے علاوہ انتونیو روڈیگر اور ڈین ہیوسن نے بھی گول کیے۔ کوچ اربیلوا نے اہم کھلاڑیوں کو آرام دینے کے لیے اکیڈمی کے نوجوان کھلاڑیوں، بشمول ڈینیل یانیز اور ڈیگو اگواڈو کو میدان میں اتارا۔دوسری جانب ایٹلیٹیکو میڈرڈ نے گیٹافے کو 1-0 سے ہرا کر تیسری پوزیشن مستحکم کی۔ میچ کا متنازع ترین لمحہ وہ تھا جب گیٹافے کے دفاعی کھلاڑی عبدال ابقار کو ایٹلیٹیکو کے اسٹرائیکر الیگزینڈر سورلوتھ کو نامناسب جگہ پر چھونے کی وجہ سے ریڈ کارڈ دکھا کر میدان سے باہر بھیج دیا گیا۔