مرکزی وزیر سنجے سیٹھ نے پریس کلب کودی 10 لاکھ روپے کی سوغات
جدید بھارت نیوز سروس
رانچی،23؍دسمبر: سودھا اینڈ ارمان چیریٹیبل ٹرسٹ اور رانچی پریس کلب کی طرف سے مشترکہ طور پر منعقدہ خواتین صحافیوں کا بیڈمنٹن ٹورنامنٹ شاندار طریقے سے اختتام پذیر ہوا۔ٹورنامنٹ میں 26 خواتین صحافیوں نے حصہ لیا اور شاندار کارکردگی کا مظاہرہ کرتے ہوئے ثابت کیا کہ بیٹ رپورٹنگ اور سرکاری صحافتی فرائض کے دباؤ کے باوجود بھی خواتین صحافی میدان میں کسی سے پیچھے نہیں ہیں۔ٹورنامنٹ کے مہمان خصوصی وزیر مملکت برائے دفاع اور رانچی کے ایم پی سنجے سیٹھ تھے اور مہمان اعزازی سابق مرکزی وزیر سبودھ کانت سہائے تھے۔دونوں مہمانوں نے بیڈمنٹن میں بھی ہاتھ آزمایا۔مہمانوں میں سنیل سہائے اور پرناو کمار ببو شامل تھے۔
مارچ میں پریس کلب کے لیے 10 لاکھ روپے کی منظوری… مزید خوبصورت کافی ہاؤس بنائیں: سنجے سیٹھ
رانچی کے ایم پی اور وزیر مملکت برائے دفاع سنجے سیٹھ، نے رانچی پریس کلب کو چھت پر کافی ہاؤس بنانے کے لیے 10 لاکھ روپے دینے کا اعلان کیا۔وزیر مملکت برائے دفاع نے کہا کہ انہیں رانچی پریس کلب میں اتنی بڑی تعداد میں خواتین صحافیوں کو کھیلوں میں دلچسپی کا مظاہرہ کرتے ہوئے دیکھ کر خوشی ہوئی۔رانچی پریس کلب کو صحافیوں کے لیے ایک زیادہ خوبصورت کافی ہاؤس بنانا چاہیے، جہاں “چائے پر چرچہ ” جیسی تقریبات منعقد کی جا سکیں۔
تناؤ کے درمیان کھیلوں سے صحافیوں کو فائدہ ہوگا: سبودھ کانت سہائے
سابق مرکزی وزیر سبودھ کانت سہائے نے کہا کہ آج صحافیوں کو کام کے بہت دباؤ کا سامنا ہے۔ایسی صورت حال میں پریس کلب اور ٹرسٹ کی جانب سے کھیلوں کی تقریبات کا انعقاد صحافیوں کے لیے ذہنی تناؤ کو دور کرنے والا ثابت ہوگا۔
