النصر نے رونالڈو کے دو گول کی بدولت الحلال کو 1-3 سے شکست دی
نئی دہلی، 5 اپریل (ہ س)۔ سعودی پرو لیگ 25-2024 کے ریاض ڈربی میچ میں کرسٹیانو رونالڈو کے دو گول اور علی الحسن کے ایک شاندار گول کی بدولت النصر نے ہفتے کے روز کنگڈم ایرینا میں اپنے روایتی حریف الحلال کو 1-3 سے شکست دی۔28 سالہ مڈ فیلڈر علی الحسن نے پہلے ہاف کے انجری ٹائم (4+45ویں منٹ) میں زبردست گول کر کے سیزن کا اپنا کھاتہ کھولا۔ انہوں نے باکس کے باہر سے شارٹ کارنر روٹین کے بعد اوپر بائیں کونے میں ایک طاقتور شاٹ مارا جسے گول کیپر روک نہیں سکا۔میچ کا آغاز انتہائی تیز رفتاری سے ہوا اور دونوں ٹیمیں ایک دوسرے کے خلاف جارحانہ رویہ اپناتی نظر آئیں۔ تاہم النصر کو 12ویں منٹ میں دھچکا لگا جب رونالڈو کندھے کی انجری کے باعث کچھ دیر کے لیے میدان سے باہر چلے گئے۔ لیکن علاج کے بعد وہ دوبارہ کھیل میں واپس آگئے۔النصر نے دوسرے ہاف کے آغاز میں برتری کو دگنا کردیا۔ 47ویں منٹ میں ساڈیو مانے کی قیادت میں ایک مضبوط جوابی حملہ کیا۔ انہوں نے دفاع کو چکما دیتیہوئے گیند رونالڈو کو دے دی جنہوں نے موقع کا فائدہ اٹھایا اور گول کر دیا۔اس کے بعد الہلال نے واپسی کی کوشش کی اور گیند پر قبضہ جما کر گول کر دیا۔ دفاعی کھلاڑی علی البولیحی نے سب سے زیادہ چھلانگ لگائی اور کارنر سے ہیڈر گول کیا۔حالانکہ آخری لمحات میں رونالڈو نے پنالٹی کے ذریعے ایک اور گول کر کے میچ کو الہلال کی پہنچ سے دور کر دیا۔ اس گول نے تین سالوں میں ریاض ڈربی میں النصر کی پہلی فتح کو یقینی بنایا۔اس جیت کے ساتھ النصر 54 پوائنٹس کے ساتھ ٹیبل میں تیسرے نمبر پر برقرار ہے اور اب لیڈر الہلال سے صرف تین پوائنٹ پیچھے ہے۔ ساتھ ہی اس شکست نے الہلال کی خطاب کی امیدوں کو بھی بڑا دھچکا پہنچایا ہے۔
