12views
رانچی: آپکی یوجنا-آپکی سرکار آپ کے دوار پروگرام کا پہلے 30 اگست سے 15 ستمبر تک انعقاد کیا جانا تھا۔ اب اس کی مدت 24 ستمبر تک بڑھا دی گئی ہے۔ وزیراعلیٰ 9 ستمبر سے مختلف اضلاع میں ضلع سطح کے کیمپوں میں بھی شرکت کریں گے۔ 24 ستمبر کو صاحب گنج ضلع کے بھوگناڈیہ میں منعقد ہونے والی اختتامی تقریب میں بھی شرکت کریں گے۔اس سلسلے میں کابینہ سکریٹری وندنا دادیل نے تمام ڈپٹی کمشنروں کو خط لکھ کر مطلع کر دیا ہے۔ انہوں نے لکھا ہے کہ پروگرام کی زبردست کامیابی اور اضلاع میں پنچایتوں کی بڑی تعداد کی وجہ سے اب اس پروگرام کو وسعت دینے اور اسے 30 اگست سے 24 ستمبر تک چلانے کا فیصلہ کیا گیا ہے۔ اس سلسلے میں وزیر اعلیٰ اور دیگر وزراء اضلاع میں لگائے جانے والے کیمپوں میں شرکت کریں گے اور مختلف عوامی فلاحی اسکیموں سے مستحقین کو مستفید کیا جائے گا۔کس ضلع میں پروگرام کب ہے؟9 ستمبر – دھنباد اور گریڈیہ (دونوں اضلاع کے وسط میں)10 ستمبر-مشرقی سنگھ بھوم اور مغربی سنگھ بھوم (دونوں اضلاع کے وسط میں)11 ستمبر – گوڈا اور دیوگھر (گوڈا میں)13 ستمبر- رام گڑھ اور بوکارو (بوکارو میں)18 ستمبر – جامتاڑا اور دمکا (جامتاڑا میں)20 ستمبر – گڑھوا اور لاتیہار (گڑھوا میں)21 ستمبر – کوڈرما اور چترا (چترا میں)23 ستمبر – کھونٹی اور سمڈیگا (دونوں اضلاع کے درمیان)24 ستمبر – صاحب گنج (بھوگناڈیہ)۔
