![](https://jadeedbharat.com/wp-content/uploads/2024/01/Rashmika_Mandana-CY14mi.jpeg)
جنوبی ہند کی مشہور و معروف اداکارہ رشمکا مندانا کی ڈیپ فیک ویڈیو معاملے میں دہلی پولیس کو آج بڑی کامیابی ہاتھ لگی۔ دہلی پولیس کی اسپیشل سیل نے کلیدی ملزم کو گرفتار کر لیا ہے اور جلد ہی اس سے پوچھ تاچھ کی کارروائی شروع ہوگی۔ رشمکا مندانا کی ڈیپ فیک ویڈیو معاملے میں دہلی پولیس نے گزشتہ سال 10 نومبر کو ایف آئی آر درج کی تھی اور تبھی سے سرگرمی کے ساتھ ملزم کی تلاش شروع ہو گئی تھی۔
آسام میں ‘بھارت جوڑو نیائے یاترا’ پر حملہ! کانگریس کا شدید ردعمل
میڈیا رپورٹس کے مطابق گرفتار ملزم پہلے بھی کئی سائبر کرائم سے متعلق معاملوں میں شامل رہا ہے۔ اس نے نہ صرف رشمکا مندانا کی ڈیپ فیک ویڈیو بنائی، بلکہ وہ ایک ضعیف خاتون کو ڈیجیٹل طور پر یرغمال بھی بنا چکا ہے۔ امید ظاہر کی جا رہی ہے کہ پوچھ تاچھ کے دوران وہ مزید کئی معاملوں سے انکشاف کر سکتا ہے۔
روس کے حمایت یافتہ فنکار کا سائبر حملہ ناکام بنا دیا گیا: مائیکروسافٹ
قابل ذکر ہے کہ گزشتہ سال 6 نومبر کو ایک ویڈیو سوشل میڈیا پر وائرل ہوئی تھی جس میں رشمکا مندانا لفٹ میں داخل ہوتی نظر آ رہی ہیں۔ یہ ویڈیو رشمکا مندانا کی نہیں تھی بلکہ کسی دیگر خاتون کے جسم پر رشمکا مندانا کا چہرہ فرضی طور پر لگا دیا گیا تھا۔ اس ویڈیو کو دیکھنے والا کوئی بھی شخص اسے رشمکا مندانا ہی سمجھے گا۔ جب اس ویڈیو پر رشمکا مندانا کی نظر پڑی تو انھوں نے سخت ناراضگی کا اظہار کیا اور دہلی پولیس میں اس معاملے کی شکایت درج کرائی۔ اس وقت دہلی پولیس نے چار لوگوں کو پکڑا تھا، اور اب کلیدی ملزم کی گرفتاری بھی عمل میں آ گئی ہے۔
ثانیہ مرزا سے علیحدگی کی افواہوں کے درمیان شعیب ملک نے کی دوسری شادی، ثناء جاوید بنی شریک حیات
رشمکا مندانا کی ڈیپ فیک ویڈیو جب وائرل ہوئی تھی تو اداکارہ نے سوشل میڈیا پر اپنا غم ظاہر کرتے ہوئے لکھا تھا کہ میری ڈیپک فیک ویڈیو انٹرنیٹ پر وائرل ہو رہی ہے، جس کے بارے میں بات کرتے ہوئے مجھے بے حد تکلیف ہو رہی ہے۔ ایمانداری سے کہوں تو اے آئی (مصنوعی ذہانت) صرف میرے لیے ہی نہیںبکلہ ہم میں سے ہر ایک کے لیے بے حد خوفناک ہے، جو اس ٹیکنالوجی کے غلط استعمال کی وہج سے خطرے میں آ گئے ہیں۔
![Follow us on Google News](https://jadeedbharat.com/wp-content/uploads/2024/01/GoogleNews.png)