6 غیر ریاستی سول سروس افسران کو پروموشن ملا
جدید بھارت نیوز سروس
رانچی، 3 فروری:۔ جھارکھنڈ کے چھ غیر ریاستی سول سروس افسران کے لیے اچھی خبر ہے۔ انہیں انڈین ایڈمنسٹریٹو سروس (آئی اے ایس) کے تحت جھارکھنڈ کیڈر میں ترقی دی گئی ہے۔ مرکزی حکومت کی پرسنل منسٹری نے اس سلسلے میں ایک نوٹیفکیشن جاری کیا ہے۔ ان سبھی کو سال 2023 کی خالی آسامیوں پر ترقی ملی ہے۔ ان میں کنچن سنگھ، دھننجے کمار سنگھ، سیتا پشپا، بیجے کمار سنہا، پریتی رانی اور راجیش پرساد کے نام شامل ہیں۔ قابل ذکر ہے کہ آئی اے ایس کیڈر میں ترقی پانے والی کنچن سنگھ رانچی کے ایس ایس پی چندن کمار سنہا کی اہلیہ ہیں۔ انہوں نے سی ڈی پی او کے عہدے سے اپنی سروس شروع کرکے یہ مقام حاصل کیا ہے۔ اس فہرست میں شامل بجئے کمار سنہا انجینئرنگ خدمات سے وابستہ رہے ہیں۔ نوٹیفکیشن جاری ہونے کے بعد متعلقہ حکام میں مبارکبادوں کا سیلاب ہے۔
لوہردگا ضلع کے سماجی بہبود افسر کو بھی ترقی ملی
لوہردگا ضلع سماجی بہبود افسر سیتا پشپا کو بھی آئی اے ایس کے طور پر ترقی دی گئی ہے۔ سیتا پشپا رانچی کے کانکے کی رہنے والی ہے۔ ان کے شوہر برسا زرعی یونیورسٹی میں افسر ہیں۔ جبکہ بیٹا رانچی لا یونیورسٹی میں چوتھے سال کا طالب علم ہے۔ لوہردگا ضلع کی سماجی بہبود آفیسر سیتا پشپا نے لوہردگا ضلع میں ایک طویل عرصہ گزارا ہے۔ سال 2014 سے 2018 تک، وہ لوہردگا ضلع کے صدر بلاک کے چائلڈ ڈیولپمنٹ پروجیکٹ آفیسر کی ذمہ داری نبھا چکی ہیں۔ اس کے بعد، ترقی کے بعد، وہ سال 2023 میں دوبارہ ضلع سوشل ویلفیئر آفیسر کے عہدے پر لوہردگا آئی ہیں۔ تب سے اب تک وہی ہے۔
