نئی دہلی، 3 اکتوبر (یو این آئی) وزیر اعظم نریندر مودی جمعہ کو نئی دہلی میں کوٹیلیہ اقتصادی کانفرنس میں شرکت کریں گے اور گرین ٹرانزیشن، ہندوستانی معیشت کی مالی امداد اور گلوبل ساؤتھ کی معیشتوں جیسے امور پر اپنے خیالات کا اظہار کریں گے۔مسٹر مودی کل تاج پیلس ہوٹل، نئی دہلی میں تقریباً 6:30 بجے شام کوٹیلیہ اقتصادی کانفرنس میں شرکت کریں گے۔ اس موقع پر وہ اجتماع سے خطاب بھی کریں گے۔کوٹیلیہ اقتصادی کانفرنس کا تیسرا ایڈیشن 4 سے 6 اکتوبر تک منعقد ہوگا۔ اس سال کی کانفرنس گرین ٹرانزیشن کی مالی اعانت، جیو اکنامک فریگمنٹیشن اور نمو پر مضمرات، دیگر کے درمیان لچک کو برقرار رکھنے کے لیے پالیسی ایکشن کے اصول جیسے موضوعات پر توجہ مرکوز کرے گا۔ہندوستانی اور بین الاقوامی اسکالرز اور پالیسی ساز دونوں ہندوستانی معیشت اور گلوبل ساؤتھ کی معیشتوں کو درپیش کچھ اہم ترین مسائل پر تبادلہ خیال کریں گے۔ اس کانفرنس میں دنیا بھر کے مقررین کی شرکت متوقع ہے۔کوٹیلیہ اقتصادی کانفرنس کا انعقاد انسٹی ٹیوٹ آف اکنامک گروتھ نے وزارت خزانہ کے اشتراک سے کیا ہے۔
