جمشید پور ۱۲؍دسمبر(راست)دوبئی سے تشریف لائے بین الاقوامی شاعر مقصود انور مقصودؔ کے اعزاز میں ایک شاندار نعتیہ مقابلے کا انعقاد کیا گیا۔ جس میں ۱۰ طلبا نے حصہ لیا ۔بالترتیب فرسٹ ، سیکنڈ ، تھرڈ ، فورتھ انعام حاصل کرنے والے طلباء درج ذیل ہیں ۔ محمد قربان ، ابرار رضا، محمد شہادت جبکہ فورتھ میں محمد فرمان اور محمد علی شامل ہیں جنہیں ادارے کے صدر داکٹر نور الزماں خاں ، نائب صدر جناب شاکر عظیم آبادی، مولانا بشیر احمد فیضی ، مولانا حامد رضا غزالی ، حافظ و قاری نور الہدیٰ نور، حافظ و قاری محمد معراج احمد ، نعمانی اور عالمی شہرت یافتہ شاعر جناب مقصود اختر مقصود نے اپنے دستِ مبارک ان طلباء کو انعام و اکرام سے سرفراز کیا ۔ جناب مقصود انور مقصود نے مہمان خصو صی کی حیثیت سے جدید شاعری اور اس کے فن کو اجاگر کیا اور اپنی تازہ نظم سنائی ۔ ادارے کے سر براہ ڈاکٹر نور الزماں خاں نے بھی ولولہ انگیز تقریر کی جبکہ ادارے کے مہتمم اور صدر مدرس جناب مولانا صغیر عالم فیضی نے نظامت کے فرائض بحسن و خوبی ادا کئے۔پروگرام کو کامیاب بنانے میں مدرسہ دار السلام کے اساتذہ اور طلباء نے بھر پور حصہ لیا ۔
