فلوریڈا، 29 مارچ (یواین آئی) نوواک جوکووچ نے گریگور دیمتروف کو شکست دے کر 2016 کے بعد پہلی بار میامی اوپن کے فائنل میں جگہ بنا لی ہے اور اس کے ساتھ ہی وہ اپنے 100ویں اے ٹی پی ٹائٹل سے محض ایک قدم دور رہ گئے ہیں۔بی بی سی کی رپورٹ کے مطابق، دنیا کے پانچویں نمبر کے کھلاڑی، 37 سالہ جوکووچ نے پہلا سیٹ جیتنے کے لیے مسلسل پانچ گیمز جیتے۔ دیمتروف نے دوسرے سیٹ میں کمزور آغاز کیا اور 24 بار کے گرینڈ سلیم چیمپئن نے اس کا فائدہ اٹھاتے ہوئے 6-2، 6-3 سے فتح حاصل کر لی۔جوکووچ نے کہا، “پیرس اولمپکس میں اپنا 99واں ٹائٹل جیتنے کے بعد، میں اسپیشل 100ٹائٹل کی جیت کی امید کے ساتھ کھیل رہا ہوں۔ میں ٹینس کے اس اعلیٰ معیار کو حاصل کرنے کی کوشش کر رہا ہوں جو مجھے ایک بڑی ٹرافی کے لیے مقابلہ کرنے کے قابل بنائے گا۔ میں جس طرح ٹورنامنٹ کے لیے تیار ہوا ہوں اور جس طرح کھیل رہا ہوں، اس سے میں بہت خوش ہوں۔ میں نے ایک بھی سیٹ نہیں گنوایا ہے۔”انہوں نے مزید کہا، “یہ ایک شاندار موقع ہے۔ دیکھتے ہیں کہ اگلے دو دنوں میں کیا ہوتا ہے۔”14ویں سیڈ یافتہ33 سالہ دیمتروف نے جوکووچ کی سروس پر پہلا گیم جیتا، لیکن اس کا زیادہ فائدہ نہیں اٹھا سکے۔ اسی دوران، ایک مداح کو دیمتروف کو پریشان کرنے کے لیے کچھ کہنے پر باہر نکال دیا گیا، جس کے بعد بلغاریہ کے کھلاڑی نے دوسرے سیٹ میں سست آغاز کیا۔گزشتہ سال کے رنر اپ دیمتروف نے اپنے تین سروس گیمز جیتے، لیکن جوکووچ کا کھیل بے حد شاندار رہا۔ چھ بار کے میامی اوپن چیمپئن نے اپنے حریف کی 32 غیر ضروری غلطیوں کے مقابلے میں صرف پانچ غلطیاں کیں۔ جوکووچ نے کہا، “میچ کے آخری حصے میں کچھ سخت گیم تھے۔”
