لوہردگا کی ہمہ جہت ترقی این ڈی اے کی ترجیح ہے: نیہا مہتو
جدید بھارت نیوز سروس
لوہردگا؍ رانچی، 4نومبر: جھوٹ اور فریب کانگریس کی سیاست کی بنیاد ہیں۔ انہوں نے عوام کو جھوٹے وعدوں سے گمراہ کرکے اقتدار حاصل کیا ہے۔ عوام ان سے تنگ آچکی ہے۔ آج ان کی ترقی مخالف سوچ نے لوہردگا سمیت پوری ریاست کو نقصان پہنچایا ہے۔ کانگریس کی قیادت نے نہ صرف عوام کی ضروریات کو نظر انداز کیا بلکہ انتظامی نا اہلی نے علاقے کی ترقی میں بھی رکاوٹ ڈالی۔ وزیر خزانہ کا علاقہ ہونے کے باوجود آج ہمارا لوہردگا سڑک، پانی، بجلی جیسے بنیادی مسائل سے نبرد آزما ہے۔ ہم اس برے نظام کو بدلنے کے عزم کے ساتھ عوام میں شامل ہیں۔ یہ باتیں این ڈی اے کی حمایت یافتہ اے جے ایس یو پارٹی لوہردگا اسمبلی کی امیدوار نیرو شانتی بھگت نے بھنڈرا بلاک میں منعقدہ عوامی رابطہ پدیاترا پروگرام کے دوران کہیں۔پد یاترا میں نیہا مہتو نے خاص طور پر حصہ لیا۔ عوامی رابطہ پروگرام کے دوران این ڈی اے کے تمام کارکنان گھر گھر گئے اور لوگوں سے این ڈی اے کے حق میں ووٹ دینے کی اپیل کی۔ اس موقع پر نیہا مہتو نے کہا کہ جھارکھنڈ کے تحریک کار آنجہانی، کمل کشور بھگت نے لوہردگا میں بطور ایم ایل اے ترقی کی جو لکیر کھینچی تھی کانگریس اس کے قریب بھی نہیں ہے۔ لوہردگا کے لوگ این ڈی اے امیدوار نیرو شانتی بھگت کے ساتھ ہیں۔ آنے والے 13 نومبر کو عوام ہمیں اپنی محبتیں اور دعائیں ضرور دیں گے۔ لوہردگا کی ہمہ جہت ترقی این ڈی اے کی ترجیح ہے۔
لوہردگا میں اسمبلی سطح کی چولہا پرمکھ کانفرنس اوراور ایچا گڑھ میں تبدیلی سنکلپ سبھا کا اہتمام آج
منگل 5 نومبر کو لوہردگا کے کورٹ گراؤنڈ میں اسمبلی سطح کی چولہا پرمکھ کانفرنس کا انعقاد کیا جائے گا۔ مرکزی وزیر دفاع راج ناتھ سنگھ، پارٹی صدر سدیش کمار مہتو سمیت این ڈی اے کے کئی رہنما اس پروگرام میں خاص طور پر شرکت کریں گے۔اس کے علاوہ، ایچاگڑھ کے گھوڑا نیگی،چھاتا میلہ میدان میں تبدیلی کی قرارداد کا اجلاس منعقد کیا جائے گا۔ سدیش کمار مہتو اس پروگرام میں خاص طور پر شرکت کریں گے۔
