صارفین امور کی وزارت نے کہا ہے کہ وہ باسمتی چاول کیلئے، ایک ہزار 200 امریکی ڈالر فی ٹن کی، کم سے کم برآمداتی قیمت پر نظر ثانی کررہی ہے۔
اِس سال اگست میں حکومت نے ایک ہزار 200 ڈالر فی ٹن کی شرح سے کم، باسمتی چاول کی برآمدات کی اجازت نہ دینے کا فیصلہ کیا تھا تاکہ غیر باسمتی سفید چاول کی، غیر قانونی برآمدات کو روکا جاسکے۔
وزارت نے کہا کہ اُسے چاول کی برآمدکار ایسو سی ایشنوں کے نمائندوں کی طرف سے یہ اعتراضات موصول ہوئے ہیں کہ اونچی Free On Board (FOB) قیمت سے، ملک کے باسمتی چاول کی برآمدات پر بُرا اثر پڑ رہا ہے۔
اُس نے کہا کہ حکومت نے ، چاول کی گھریلو قیمت پر قابو پانے اور گھریلو صارفین کیلئے وافر دستیابی کو یقینی بنانے کیلئے بہت سے اقدام کئے ہیں۔ وزارت نے بتایا کہ یہ انتظام ، حکومت کی طرف سے کوئی موزوں فیصلہ کئے جانے تک جاری رہے گا۔
