آج ایک جی بی ڈیٹا کی قیمت ایک کپ چائے سے بھی کم ہے: مودی
ممبئی 8 اکتوبر (یو این آئی)وزیر اعظم نریندر مودی نے آج نئی ممبئی بین الاقوامی ہوائی اڈے کا افتتاح کیا ان کے ہمراہ اسٹیج پر مہاراشٹر کے وزیر اعلی دیویندر فڑنویس، نائب وزرائے اعلی ایکناتھ شندے ؛ اجیت پوار اور گورنر آچاریہ دیوورت کے ساتھ صنعت کار گوتم اڈانی، مرکزی وزیر برائے شہری ہوابازی کنجراپو رام موہن نائیڈو اور مہاراشٹر کے وزیر مملکت برائے شہری ہوابازی مرلی دھر موہن موجود تھے۔ وزیر اعظم نریندر مودی نے بدھ کو کہا کہ ڈیجیٹل کنیکٹیویٹی لوگوں کی زندگی کا حصہ بن چکی ہے اور ایک جی بی ڈیٹا کی قیمت ایک کپ چائے سے بھی کم ہے دوارکا میں یشو بھومی میں انڈیا موبائل کانگریس 2025 کا افتتاح کرنے کے بعد مسٹر مودی نے کہا کہ ٹیلی کام صارفین اور 5جی نیٹ ورک کے معاملے میں ہندوستان دنیا میں دوسرے نمبر پر ہے۔ ہم ڈیٹا کی کھپت کے لحاظ سے سرفہرست ممالک میں شامل ہیں۔انہوں نے کہاکہ “ڈیجیٹل کنیکٹیویٹی اب لگژری نہیں رہی بلکہ لوگوں کی زندگی کا حصہ بن چکی ہے۔ آج ایک جی بی ڈیٹا کی قیمت ایک کپ چائے سے بھی کم ہے۔”ملکی اور غیر ملکی کمپنیوں کو ملک کے ٹیلی کام سیکٹر میں سرمایہ کاری کرنے کی دعوت دیتے ہوئے مسٹر مودی نے کہا کہ یہ سرمایہ کاری، اختراع اور میک ان انڈیا کا بہترین وقت ہے۔ انہوں نے کہا کہ حکومت ڈیجیٹل فرسٹ مائنڈ سیٹ کے لیے پرعزم ہے۔وزیر اعظم نے کہا کہ کچھ لوگ میک ان انڈیا کا مذاق اڑاتے تھے کیونکہ ان کے دور میں ٹیکنالوجی کو ملک میں آنے میں کئی دہائیاں لگ گئیں۔ انہوں نے کہا کہ آج حکومت ملک کی صلاحیتوں کے پیچھے مضبوطی سے کھڑی ہے۔ یہ مختلف اسکیموں کے تحت اسٹارٹ اپس کے لیے فنڈنگ اور ٹیسٹ بیڈ فراہم کر رہا ہے۔ اسٹارٹ اپ، صنعت اور اکیڈمی مل کر کام کر رہے ہیں۔حال ہی میں شروع کیے گئے پہلے دیسی ساختہ 4جی اسٹیک کو ایک بڑی کامیابی قرار دیتے ہوئے انہوں نے کہا کہ یہ ڈیجیٹل خود انحصاری کی طرف ایک بڑا قدم ہے۔انہوں نے کہا کہ حکومت نے پرانے قانون کی جگہ ٹیلی کمیونیکیشن کے لیے نیا قانون بنایا۔ 21ویں صدی کے مطابق پالیسی کی سطح پر ایک نئے قانون کی ضرورت تھی۔ اب، اجازتیں تیزی سے دی جا رہی ہیں، اور اختراع کی حوصلہ افزائی کی جا رہی ہے۔انہوں نے ہندوستانی کمپنیوں پر زور دیا کہ وہ ایسے مواقع تلاش کریں جہاں سپلائی چین میں خلل پڑ رہا ہو۔انہوں نے سیمی کنڈکٹر مینوفیکچرنگ کی مثال دی جو پہلے چند ممالک تک محدود تھی۔ آج ملک میں 10 سیمی کنڈکٹر مینوفیکچرنگ یونٹس قائم کیے جا رہے ہیں۔ انہوں نے صنعت پر زور دیا کہ وہ ڈیٹا سینٹرز اور کلاؤڈ پر کام کرکے ہندوستان کو عالمی ڈیٹا ہب بنائیں۔اس سے پہلے مرکزی وزیر مواصلات جیوترادتیہ سندھیا نے کہا تھا کہ آج ملک میں ایک جی بی ڈیٹا کی اوسط قیمت نو روپے ہے۔
مودی نے 30 ہزار کروڑ کے ترقیاتی منصوبوں کا افتتاح کیا
وزیر اعظم نریندر مودی نے آج کہا کہ حکومت کا مقصد ممبئی کو دنیا کا ایک بڑا عالمی مالیاتی پاور ہاؤس بنانا ہے۔ انہوں نے یہ بات نوی ممبئی میں ڈی بی پاٹل بین الاقوامی ہوائی اڈے کے افتتاح کے موقع پر کہی۔وزیر اعظم مودی نے اپنے دو روزہ مہاراشٹر دورے کے دوران تقریباً 30 ہزار کروڑ روپے کے اہم بنیادی ڈھانچے کے منصوبوں کا افتتاح اور سنگ بنیاد رکھا۔ ان میں نوی ممبئی بین الاقوامی ہوائی اڈے کا پہلا مرحلہ، ممبئی میٹرو لائن 3، اور فروغ ہنرمندی سے متعلق نئے منصوبے شامل ہیں۔اس موقع پر مہاراشٹر کے گورنر وزیر اعلیٰ دیویندر فڑنویس، نائب وزرائے اعلیٰ ایکناتھ شندے اور اجیت پوار کے ساتھ مرکزی وزیر مملکت برائے شہری ہوا بازی مرلی دھر موہول اور دیگر معزز شخصیات بھی موجود تھیں۔ وزیر اعظم نے کہا کہ یہ تمام منصوبے نہ صرف ریاست بلکہ ملک کی معیشت کو نئی رفتار دیں گے اور ممبئی کو عالمی سطح پر ایک نمایاں مالیاتی مرکز بنانے میں مددگار ثابت ہوں گے۔
