تلنگانہ اسمبلی کی تاریخ میں پہلی بار اجلاس کے دوران اجتماعی افطار

حیدرآباد , 28 مارچ (ہ س) تلنگانہ اسمبلی کے اجلاس میں ایک منفرد اور تاریخی واقعہ پیش آیا جب مجلس اتحاد المسلمین (ایم آئی ایم) کے صدر اکبرالدین اویسی نے اپنی تقریر روک کر اپنے تمام ایم ایل اے ساتھیوں کے ساتھ روزہ افطار کیا۔عام طورپر اسمبلی اجلاس کے دوران کسی بھی مذہبی عمل کے لیے اجلاس کو معطل نہیں کیاجاتا، لیکن اکبر اویسی نے ایک نئی روایت قائم کی۔ جیسے ہی افطارکاوقت ہوا، اکبر اویسی اورمجلس کے تمام ایم ایل اے حضرات نے اسمبلی ہال میں ہی افطار کیا۔یہ واقعہ سوشل میڈیاپربھی تیزی سے وائرل ہورہاہے اورعوام میں اکبراویسی کے اس عمل کوخوب سراہاجارہاہے۔ ان کے حامیوں کا کہنا ہے کہ وہ ہمیشہ کچھ ایسا کرتے ہیں جو کوئی دوسرا سیاستدان نہیں کرسکتا۔