صفائی کے دوران این ڈی آر ایف کی ٹیم تعینات رہے گی
جدید بھارت نیوز سروس
رانچی، 4 نومبر:۔ شمس پرستی کے تہوار چھٹھ کی بڑے پیمانے پر تیاریاں کی جا رہی ہیں۔ میونسپل کارپوریشن دارالحکومت رانچی کے چھٹھ گھاٹوں کی صفائی میں مصروف ہے۔ ارگوڑا تالاب میں مورتی کے وسرجن کے بعد صفائی کا کام تیز رفتاری سے جاری ہے۔ رانچی میونسپل کارپوریشن نے ٹریکٹروں کے ساتھ ایک صفائی ٹیم تعینات کی ہے۔ رانچی میونسپل کارپوریشن کے ڈپٹی ایڈمنسٹریٹر رویندر کمار نے ای ٹی وی انڈیا کے نمائندے بھون کشور جھا کے ساتھ خصوصی بات چیت میں کہا کہ چھٹھ گھاٹ کو دو دنوں میں سجا کر تیار کر لیا جائے گا۔ چھٹھ گھاٹوں پر بجلی اور صفائی کے وسیع انتظامات کئے جا رہے ہیں۔انہوں نے کہا کہ کسی بھی ناخوشگوار واقعے کو روکنے کے لیے چھٹھ تالاب یا ڈیم میں این ڈی آر ایف کی ٹیم کو تعینات کیا جائے گا۔
رانچی میونسپل کارپوریشن کے علاقے میں 70 چھت گھاٹ ہیں، جن میں سے کئی بہت خطرناک ہیں
چھٹھ کے دوران لوگوں کو گہرے پانی میں جانے سے روکنے کے لیے بیریکیڈنگ لگائی جا رہی ہے ساتھ ہی لوگوں کو بینر لگا کر خبردار کیا جا رہا ہے۔ میونسپل کارپوریشن صفائی سے لے کر بجلی کے مناسب انتظامات تک ہر چیز کی تیاری میں مصروف ہے۔ رانچی میونسپل کارپوریشن کے علاقے میں 70 چھٹھ گھاٹ ہیں، جن میں کئی ایسے چھٹھ گھاٹ ہیں جو بہت خطرناک ہیں۔ ان چھٹھ گھاٹوں پر بڑے پیمانے پر تیاریاں کی جا رہی ہیں۔ این ڈی آر ایف ٹیم کے ساتھ ریاستی پولیس کے اہلکار اور ڈیزاسٹر مینجمنٹ ٹیم کو بھی تعینات کیا گیا ہے۔ اس کے علاوہ سماجی کارکنوں نے کئی جگہوں پر چھٹھ گھاٹوں کی صفائی کی ذمہ داری سنبھالی ہے۔ قابل ذکر ہے کہ چار روزہ چھٹھ تہوار 5 نومبر کو نہائے کھی کے ساتھ شروع ہو رہا ہے۔ کھرنا 6 نومبر کو ادا کیا جائے گا اور پھر 7 نومبر کو غروب آفتاب کو ارگھیہ چڑھایا جائے گا۔ چھٹھ کا اختتام 8 نومبر کو اگتے سورج کو ارگھیہ دینے کے ساتھ ہوگا۔ اس دوران بڑی تعداد میں عقیدت مند دارالحکومت کے چھٹھ گھاٹوں پر آتے ہیں۔
