موساد نے حزب اللہ کے مواصلاتی آلات کی ہیکنگ کا منصوبہ شروع کیا تھا: نیا انکشاف
تل ابیب 06 اکتو بر (ایجنسی) لبنانی مسلح تنظیم حزب اللہ کو گذشتہ 17 ستمبر سے اسرائیل کی طرف سے تکلیف دہ حملوں کا سامنا ہے۔ ان خوفناک حملوں کا آغاز ’آپریشن پیجر‘ کے نام سے ہوئے اس پراسرار سائبرحملے ہوا جب لبنان میں حزب اللہ اور دیگر لوگوں کے پاس موجودہزاروں پیجرزڈیوائسز پھٹ گئیں۔پیجرڈیوائسزدھماکوں کے بعد اس حوالے سے نئی اور چونکا دینے والی تفصیلات سامنے آئی ہیں۔کئی اسرائیلی، عرب اور امریکی سکیورٹی حکام، سیاست دانوں اور سفارت کاروں کے ساتھ ساتھ لبنانی حکام اور حزب اللہ کے قریبی لوگوں سے حاصل کردہ معلومات سے معلوم ہوا ہے کہ حزب اللہ نے گذشتہ فروری میں 5000 آلات خریدے اور انہیں اپنے درمیانے درجے کے اہلکاروں میں تقسیم کیا۔ نئے۔ یہ ڈیوائسز AR924 کے نام سے جانی جاتی ہیں۔ اسرائیل کے سائبرحملوں میں زیادہ تر اسی نوعیت کی ڈیوائسز شامل ہیں۔اس نئے تائیوانی ڈیزائن کے کئی فوائد ہیں جن میں واٹر پروف ہونا اور ایک بہت بڑی بیٹری شامل ہے جو کئی مہینوں تک چارج کیے بغیر کام کر سکتی ہے۔ اس کے علاوہ اسرائیلی انٹیلی جنس کے لیے اسے ٹریک کرنا مشکل ہے۔لیکن ان ڈیوائسز کی سب سے زیادہ خطرناک خصوصیت اس وقت تک سامنے نہیں آئی جب ان میں 17 ستمبر کو دھماکے کیے گئے۔ تب پتہ چلا کہ دو دونوں ہاتھوں سے پکڑ کر استعمال کی جانے والی ڈیوائسز نے ان کے صارفین کو زیادہ نقصان سے دوچار کیا۔واشنگٹن پوسٹ کی رپورٹ کے مطابق ذرائع نے انکشاف کیا ہے کہ یہ بمباری کا منصوبہ تل ابیب میں موساد کے ہیڈکوارٹر سے شروع ہوا تھا اور اس میں متعدد ممالک کے ایجنٹوں اور نادانستہ ساتھیوں کا ایک گروپ شامل تھا۔
سنہ 2022ء سے آغاز
اس حملے نے نہ صرف حزب اللہ کی قیادت کی صفوں کو متاثر کیا بلکہ اسرائیل کو اس کے رہ نما حسن نصر اللہ کو نشانہ بنانے اور قتل کرنے میں مدد کی۔اس حملے نے اسرائیل میں سیاسی رہ نماؤں کو اس بحث میں لگا دیا کہ حزب اللہ ایک نازک اور نمایاں طور پر کمزور پوزیشن میں آ سکتی ہے، کیونکہ پیجر حملے سے اس کے مضبوط ٹھکانوں پر پرتشدد فضائی حملے ہوں گے اور اس کے رہ نماؤں کا قتل ہو گا۔ذرائع نے انکشاف کیا کہ پیجر کو دھماکے سے اڑانے کا خیال 2022ء میں شروع ہوا یعنی سات اکتوبر کو ہونے والے حملے سے ایک سال پہلے یہ سب کچھ شروع ہوا۔موساد نے تقریباً ایک دہائی قبل لبنان میں مشکوک واکی ٹاکی ڈیوائسز متعارف کرانا شروع کی تھیں۔
