اقلیتی حقوق کے عالمی دن کے موقع پرآمیا تنظیم کے ذریعہ اقلیتی رپورٹ کارڈ 2024 جاری کیا گیا
حکومت اقلیتی مسائل پر جاری کردہ رپورٹ کارڈ کا نوٹس لے: ایس علی
جدید بھارت نیوز سروس
رانچی، 17 دسمبر: اقلیتی حقوق کے عالمی دن کے موقع پر، منگل کو مدرسہ اسلامیہ اپر بازار رانچی میں اقلیتوں سے متعلق امور پر آمیا تنظیم کے ذریعہ اقلیتی رپورٹ کارڈ 2024 جاری کیا گیا۔اس موقع پر اقلیتی امور کے ماہر ایس علی نے کہا کہ حکومت کی ذمہ داری ہے کہ وہ اقلیتی برادریوں کے حقوق کا تحفظ کرے اور ان کے مذہب، ذات، زبان اور ثقافتی روایات کے تحفظ کو یقینی بنائے۔لیکن پچھلے کچھ سالوں میں اقلیتوں کے حقوق پر مسلسل حملے ہو رہے ہیں لیکن مرکزی اور ریاستی حکومتیں خاموش ہیں۔ایس علی نے کہا کہ مرکزی سطح پر عبادت گاہوں کے قانون 1991 کی مسلسل خلاف ورزی کرتے ہوئے اقلیتوں کے مذہبی مقامات کو نشانہ بنایا جا رہا ہے۔وقف بل 2024 کو وقف ایکٹ 1995 میں ترمیم کرنے کے لیے لایا گیا ہے جس کا مقصد باپ دادا کی دی گئی وقف جائیداد کو چھیننا ہے۔اس کے ساتھ ہی اقلیتوں بالخصوص مسلمانوں کے انصاف کے حقوق سے متعلق بہت سے معاملات جھارکھنڈ میں پھنسے ہوئے ہیں۔10 جون 2022: رانچی فائرنگ کیس میں انصاف فراہم کرنے کے لیے، موب بلیچنگ قانون کو نافذ کرنے،اقلیتی کمیشن آرڈر کیس نمبر 174/2015 کے مطابق پرائمری مڈل اسکول میں 3712 اردو مدد ٹیچر کی بحالی،543 اردو اسکولوں کو بحال کرنا جن کی حیثیت چھین لی گئی ہے، مدرسہ عالم فاضل کے ڈگری امتحان کے لیے یونیورسٹی کا قیام کروانے ،اقلیتی اکثریتی علاقوں میں +2 اسکول قائم کرنے،اقلیتوں کے بجٹ میں اضافہ کرنے، اقلیتی طلباء کو پری میٹرک اسکالرشپ دینے،اقلیتی نوجوانوں کو ہنر مند تربیت فراہم کرنے کی اسکیم، یو پی ایس سی، جے پی ایس سی، جے ایس سی اے کے لیے اقلیتی کوچنگ انسٹی ٹیوٹ شروع کرنے،اقلیتی ڈائریکٹوریٹ کی تشکیل، بنکروں اور ٹریلرنگ کے پیشے سے وابستہ اقلیتوں کو سرکاری کام کا الاٹمنٹ، اقلیتی بے زمینوں کو زمین کا الاٹمنٹ،اقلیتی کسانوں کے لیے ایک اسکیم شروع کرنے، اقلیتی ٹھیکیداروں اور سپلائی کرنے والوں کو کام مختص کرنے،یوپی اور ایم پی کے خطوط پر بھینسوں کو ذبح کرنے کی اجازت دینے جیسے کئی معاملات زیر التوا ہیں۔اس موقع پر جھارکھنڈ اسٹوڈنٹس یونین کے اقبال خان، محمد حیدر، انیس انصاری، پرویز عالم، شبیر عالم، نفیسہ پروین، نورجہاں اور دیگر موجود تھے۔
