444views
امریکی اخبار نے جنوبی کوریا کی جاسوسی ایجنسی کے حوالہ سے انکشاف کیا ہے کہ شمالی کوریا کے رہنما کم جونگ ان نے حکام کو فلسطینیوں کی حمایت کرنے کا حکم دیا ہے اور وہ مشرق وسطیٰ میں عسکریت پسند گروپوں کو ہتھیار فروخت کرنے پر غور کر سکتے ہیں۔ جنوبی کوریا کے قانون سازوں نے ایجنسی کی بریفنگ کے بعد کہا کہ شمالی کوریا ماضی میں حماس کو اینٹی ٹینک راکٹ لانچر فروخت کر چکا ہے، اور اس بات کا امکان ہے کہ پیانگ یانگ غزہ میں جنگ کے دوران مزید ہتھیار برآمد کرنے کی کوشش کرے گا۔ جنوبی کوریا کی فوج نے کہا ہے کہ، 7 اکتوبر کے حملے کی تصاویر اور ویڈیوز کی بنیاد پر، حماس شمالی کوریا کے مختلف ہتھیاروں کا استعمال کرتی دکھائی دیتی ہے۔ پیانگ یانگ نے ان الزامات کو جھوٹا قرار دیا ہے۔
