پارٹی نے 12 سیٹوں پر دعویٰ پیش کیا
جدید بھارت نیوز سروس
رانچی، یکم جنوری:۔ جھارکھنڈ کے بعد بہار اسمبلی انتخابات 2025 میں ہونے والے ہیں۔ اس حوالے سے سیاسی درجہ حرارت ایک بار پھر بڑھ گیا ہے۔ اس کی سب سے بڑی وجہ یہ ہے کہ ریاست کی سب سے بڑی پارٹی جے ایم ایم بھی اس بار اتحاد کے تحت الیکشن لڑنے کی تیاری کر رہی ہے۔ پارٹی کم از کم 12 اسمبلی سیٹوں پر الیکشن لڑنے کی تیاری کر رہی ہے۔
جے ایم ایم بہار اسمبلی میں 12 سیٹوں کا مطالبہ کرے گی
ذرائع کی مانیں تو جے ایم ایم بہار میں آر جے ڈی اور کانگریس سے 12 سیٹوں کا مطالبہ کرے گی۔ اس کے پیچھے پارٹی کا استدلال یہ ہے کہ بہار کے سرحدی اضلاع میں پارٹی کو مضبوط حمایت حاصل ہے۔ ماضی میں پارٹی کے ایم ایل اے بھی وہیں سے رہے ہیں۔ معلومات کے مطابق بہار کی جن سیٹوں پر جے ایم ایم دعویٰ کر رہی ہے ان میں تارا پور، کٹوریا، منیہری، جھجھا، بنکا، ٹھاکر گنج، روپولی، رام پور، بنمانکھی، جمال پور، پیر پتی اور چکئی اسمبلی سیٹیں شامل ہیں۔
آر جے ڈی اور کانگریس کے ساتھ جلد ہی میٹنگ ہوگی
جے ایم ایم کے لیڈروں کا کہنا ہے کہ ان سیٹوں پر نہ صرف ان کے کارکن ہیں بلکہ امیدوار بھی ہیں۔ بتایا گیا کہ جلد ہی آر جے ڈی اور کانگریس اتحاد کے ساتھ جے ایم ایم کی میٹنگ ہوگی اور یہ مطالبہ سامنے رکھا جائے گا۔ قابل ذکر ہے کہ جے ایم ایم نے 2020 کے انتخابات میں تنہا مقابلہ کیا تھا۔ لیکن کامیابی حاصل نہ ہو سکی۔ اس بار جھارکھنڈ میں آر جے ڈی اور کانگریس کو مناسب نمائندگی دی گئی۔ پارٹی کو امید ہے کہ جس طرح جھارکھنڈ میں سیٹوں کی تقسیم ہوئی تھی، اسی طرح عظیم اتحاد بہار میں بھی سیٹوں کی تقسیم کرے گا۔
