پرنس یادو گرفتار،واردات میں استعمال پستول اور بائیک ضبط:ایس پی
جدید بھارت نیوز سروس
چترا،10فروری:۔ پولیس نے مکیش سونی گولی سانحہ کو حل کر لیا ہے جو 14 جنوری کو شہر کے بازارٹانڑ علاقے میں پیش آیا تھا۔ اس معاملے میں ایس ڈی پی او سندیپ سمن کی قیادت میں صدر پولیس اسٹیشن کی خصوصی ٹیم نے کارروائی کرتے ہوئے اس واقعہ میں ملوث پیشہ ور مجرم پرنس یادو عرف پرنس کمار کو گرفتار کرنے میں کامیابی حاصل کی۔ ساتھ ہی ایک دیسی ساختہ پستول اور واردات میں استعمال ہونے والی ٹی وی ایس اپاچی موٹرسائیکل کے ساتھ ساتھ موبائل فون بھی ضبط کیا گیا ہے۔ واقعے میں ملوث دیگر دو مجرم پولیس کی گرفت سے باہر ہیں۔ پولیس اس کی گرفتاری کے لیے تمام ممکنہ مقامات پر مسلسل چھاپے مار رہی ہے۔
اسپیشل ٹیم نے کیا خلاصہ
ایس پی وکاس پانڈے نے کلکٹریٹ میں واقع دفتر کے کمرے میں منعقد ایک پریس کانفرنس کے دوران بتایا کہ 14 جنوری کی شام کو موٹر سائیکلوں پر سوار مسلح مجرموں نے مکیش سونی کے گھر کے قریب فائرنگ کی تھی۔ فائرنگ کے اس واقعہ میں مکیش سونی کو گولی لگی تھی۔ جس کے بعد اسے تشویشناک حالت میں صدر اسپتال میں داخل کرایا گیا۔ جہاں سے ابتدائی طبی امداد کے بعد ڈاکٹروں نے اسے بہتر علاج کے لیے رانچی ریفر کر دیا۔ ایس پی نے بتایا کہ اس معاملے میں زخمی مکیش سونی کی والدہ کی تحریری درخواست پر صدر تھانے میں چار نامزد اور دو نامعلوم مجرموں کے خلاف ایف آئی آر درج کی گئی تھی۔ اس کے بعد اس معاملے کو حل کرنے اور اس میں ملوث مجرموں کو گرفتار کرنے کے لیے صدر سب ڈویژنل پولیس افسر سندیپ سمن کی قیادت میں ایک اسپیشل چھاپہ مار ٹیم تشکیل دی گئی۔ ایک خفیہ اطلاع کی بنیاد پر خصوصی ٹیم نے واقعے کے مرکزی ملزم پرنس یادو عرف پرنس کمار کو شہر کے دیبھا محلہ علاقے سے گرفتار کر لیا ہے۔ علاوہ ازیں گرفتار مجرم کی دی گئی معلومات کی بنیاد پر ایک کالے رنگ کی ٹی وی ایس اپاچی موٹر سائیکل اور واردات میں استعمال ہونے والادیسی میڈ پستول اور ایک موبائل فون برآمد کر لیا گیا ہے۔
مکیش کی مجرمانہ تاریخ بھی طویل ہے
قابل ذکر ہے کہ فائرنگ کے واقعہ میں زخمی مکیش سونی کی مجرمانہ تاریخ بھی طویل ہے۔ ابھی چند روز قبل وہ بھی تھانہ صدر کے ایک مقدمے میں ضمانت پر جیل سے باہر آئے تھے۔ جیل سے باہر آنے کے بعد اس نے گرفتار مجرم پرنس یادو عرف پرنس کمار اور اس کے گینگ میں شامل دیگر مجرموں پر فائرنگ کر دی تھی۔ جس کی وجہ سے علاقہ میں پرانی دشمنی اور علاقہ میں اپنا دبدبہ کی وجہ سے پرنس یادو عرف پرنس کمار اور اس کے ساتھیوں کی طرف سے مکیش سونی کے گھر کے باہر فائرنگ کا واقعہ پیش آیا۔ ایس پی نے کہا کہ گرفتار پرنس یادو کے خلاف صدر پولیس اسٹیشن میں پہلے ہی نصف درجن مجرمانہ مقدمات درج ہیں اور ان تمام معاملات میں پولس کافی عرصے سے اس کی تلاش کر رہی تھی۔ انہوں نے بتایا کہ اس واقعے میں ملوث دیگر مجرموں کی بھی شناخت کر لی گئی ہے اور اسپیشل ٹیم ان کی گرفتاری کے لیے تمام ممکنہ ٹھکانوں پر چھاپے مار رہی ہے۔ جلد مفرور مجرموں کو بھی گرفتار کرکے سلاخوں کے پیچھے بھیج دیا جائے گا۔ یہ کارروائی صدر پولیس اسٹیشن کے انچارج انسپکٹر وپن کمار، ایس آئی راہل سنگھ اور منیش کمار نے صدر پولیس اسٹیشن مسلح فورس کے اہلکاروں کے انجام دیا۔
