وزیر اعلیٰ ہیمنت سورین اہلیہ کلپنا سورین کے ساتھ پہونچے
جدید بھارت نیوز سروس
رانچی، 9 اکتوبر:۔ وزیر اعلیٰ ہیمنت سورین نے جمعرات کو رانچی کے مورابادی گراؤنڈ میں جھارکھنڈ آئی اے ایس آفیسرز ویوز ایسوسی ایشن (جیسووا) دیوالی میلہ-2025 کا افتتاح کیا۔ انہوں نے کہا کہ جیسووا تعلیم اور صحت کے شعبوں میں بہترین کام کر رہی ہے۔ سماجی خدمت جیسووا کی پہچان ہے۔ وزیر اعلیٰ اپنی اہلیہ کلپنا سورین کے ساتھ پانچ روزہ میلے میں پہنچے۔
جیسووا اپنے آغاز سے ہی عوامی بہبود کیلئےوقف ہے
وزیر اعلیٰ ہیمنت سورین نے اجتماع سے خطاب کرتے ہوئے کہا کہ جھارکھنڈ آئی اے ایس آفیسرز ویوز ایسوسی ایشن (جیسووا) اپنے قیام سے ہی عوامی فلاح و بہبود کے لیے وقف ہے۔ انہوں نے کہا کہ تنظیم ایک طویل سفر طے کر کے اپنی سلور جوبلی منا رہی ہے۔ ہر سال کی طرح اس سال بھی تنظیم نے رانچی کے تاریخی مورابادی گراؤنڈ میں بڑے جوش اور ولولے کے ساتھ پانچ روزہ دیوالی میلہ 2025 کا انعقاد کیا ہے۔
جیسووا تعلیم اور صحت کے میدان میں بہترین کام کر رہی ہے
وزیر اعلیٰ نے کہا کہ جیسووا میلے کے انعقاد کا بنیادی مقصد میلے سے حاصل ہونے والی تمام آمدنی کو غریبوں اور ضرورت مندوں کی فلاح و بہبود اور دیگر سماجی ترقی کے کاموں میں استعمال کرنا ہے۔ یہ ادارہ تعلیم اور صحت کے میدان میں قابل ستائش کام کر رہا ہے۔ آج جیسووا بہترین سماجی کام کرنے والے لوگوں میں اعزازیہ تقسیم کر رہا ہے اور ایک لائبریری کا افتتاح کر رہا ہے۔
وزیراعلیٰ نے کہا کہ بہت سی تنظیمیں تہواروں کے موسم میں مختلف میلوں کا انعقاد کرتی ہیں۔ میلوں کے انعقاد کے لیے ہر تنظیم کا اپنا مقصد ہوتا ہے لیکن جیسووا اپنے قیام سے ہی غریبوں اور ناداروں کی بھلائی کے لیے کام کر رہی ہے جو کہ قابل تعریف ہے۔
وزیراعلیٰ نے تنظیم کو اس کی بہترین سماجی کاوشوں پر مبارکباد دی
وزیر اعلیٰ نے کہا کہ جیسووا کو جھارکھنڈ کے آئی اے ایس افسران کی بیویاں چلاتی ہیں۔ اس تنظیم کے ذریعے آپ سب معاشرے کی بہتری کے لیے قابل ستائش کام کر رہے ہیں۔ آپ کی محنت اور خدمت کے ثمرات ضرورت مندوں تک پہنچتے رہیں۔
