200 ڈاکٹر رانچی میں جمع ہوں گے
جدید بھارت نیوز سروس
رانچی، 3 اکتوبر:۔ انڈین سوسائٹی آف گیسٹرو اینٹرولوجی کی طرف سے قومی کانفرنس گیسٹروکون-24 کا انعقاد 5-6 اکتوبر کو JAP-1 آڈیٹوریم (شوریہ آڈیٹوریم)، ڈورانڈا میں کیا جا رہا ہے۔ کانفرنس میں جھارکھنڈ کے علاوہ ملک بھر سے مشہور معدے کے ماہرین شرکت کریں گے۔ اس میں مختلف ریاستوں کے 200 سے زائد ماہرین حصہ لیں گے۔ آرگنائزنگ سکریٹری ڈاکٹر منوہر لال پرساد اور آرگنائزنگ چیرمین ڈاکٹر پرنب منڈل اور شریک چیرمین ڈاکٹر جینت گھوش نے جمعرات کو پریس کلب میں بتایا کہ معدہ، جگر، آنت وغیرہ کی بیماریوں پر Gastrocon-24 میں تفصیل سے بات کی جائے گی۔ کس بیماری کے علاج میں کون سی نئی جدید ٹیکنالوجی آئی ہے، ہم ڈاکٹرز آپس میں معلومات شیئر کریں گے کہ ہم مریضوں کو بہتر طبی سہولیات کیسے فراہم کر سکتے ہیں۔ ہماری توجہ اس بات پر مرکوز رہے گی کہ دیگر ریاستوں میں ماہر ڈاکٹروں کے ذریعہ کون سے طبی طریقے استعمال کیے جارہے ہیں، جھارکھنڈ میں کون کون سی پیشرفت اختیار کی جاسکتی ہے تاکہ یہاں کے مریضوں کا اچھا علاج کیا جاسکے۔ ڈاکٹر منوہر لال نے بتایا کہ موٹر ڈیسفیا (کھانا نگلنے میں دشواری)، لبلبے کی سوزش، لیور ٹرانسپلانٹ، پانی بھرے پیٹ کا نیا علاج کیا ہے، ہیپاٹائٹس بی کا نیا علاج وغیرہ کے بارے میں معلومات آپس میں شیئر کی جائیں گی۔ اس موقع پر ڈاکٹر پرنب کمار منڈل، ڈاکٹر منوہر لال پرساد، ڈاکٹر جینت گھوش، ڈاکٹر رویش رنجن، ڈاکٹر چندن یادو، ڈاکٹر سنگیت سوربھ، ڈاکٹر ستیش مدھا، ڈاکٹر اکھلیش یادو، ڈاکٹر انیکیت اگروالاور ڈاکٹر انترکش کمار موجود تھے۔
