اسکولی تعلیم اور رجسٹریشن کا محکمہ وزیر اعلیٰ ہیمنتسورین کے پاس رہے گا

جدید بھارت نیوز سروس
رانچی، 18 اگست:۔ وزیر تعلیم رام داس سورین کی موت کے بعد اسکولی تعلیم اور خواندگی کا محکمہ اور رجسٹریشن محکمہ اب سی ایم ہیمنت سورین کے پاس رہے گا۔ کیبنٹ سیکرٹریٹ اینڈ مانیٹرنگ (کوآرڈینیشن) ڈیپارٹمنٹ نے اس حوالے سے حکم نامہ جاری کر دیا ہے۔ کابینہ سکریٹری وندنا ڈڈیل کے دستخط کے تحت جاری کردہ حکم نامے میں کہا گیا ہے کہ الاٹ شدہ کاموں میں جزوی ترامیم کی گئی ہیں۔ اس میں کہا گیا ہے کہ سی ایم ہیمنت سورین پہلے الاٹ کیے گئے محکموں کے علاوہ اسکول ایجوکیشن اینڈ لٹریسی ڈیپارٹمنٹ اور رجسٹریشن ڈیپارٹمنٹ کی دیکھ بھال کریں گے۔