تیجسوی یادو نے وزیر اعلیٰ ہیمنت سے ملاقات کی

جدید بھارت نیوز سروس
رانچی، 19 اکتوبر:۔ بہار اسمبلی میں اپوزیشن لیڈر تیجسوی یادو نے وزیر اعلیٰ ہیمنت سورین سے ملاقات کی۔ معلومات کے مطابق تیجسوی نے ہیمنت سورین کو اپنی پارٹی کے جذبات سے آگاہ کیا۔ اس سے پہلے تیجسوی یادو نے آر جے ڈی لیڈروں اور کارکنوں سے رائے لی۔ کون کس سیٹ سے الیکشن لڑے گا اس کے بارے میں بھی تفصیلی معلومات حاصل کیں۔ قابل ذکر ہے کہ 2019 کے انتخابات میں آر جے ڈی کو جھارکھنڈ میں سات سیٹیں ملی تھیں۔ اس بار پانچ سیٹیں دینے کی بات ہو رہی ہے۔ وہیں آر جے ڈی 22 سیٹوں پر دعویٰ کر رہی ہے۔ اس پر ہیمنت سورین نے کہا کہ کانگریس کے ساتھ میٹنگ میں تمام چیزوں کا فیصلہ کیا جائے گا۔