گدھور سے 340.23 کیلو گرام افیم کے ساتھ اسمگلر گرفتار
جدید بھارت نیوز سروس
چترا،5؍جولائی: چترا کے ایس پی سمیت کمار اگروال نے عہدہ سنبھالنے کے بعد کہا تھا کہ غیر قانونی سرگرمیوں میں ملوث لوگ ایسا کرنا چھوڑ دیں ورنہ جیل جانے کے لیے تیار رہیں۔ معلوم ہوا ہے کہ گزشتہ دس دنوں میں تھانہ گدھور میں افیون کے اسمگلروں کے خلاف پولیس کی یہ تیسری بڑی کارروائی ہے۔ جس میں پولیس نے بھاری مقدار میں افیون سمیت ایک اسمگلر کو گرفتار کرنے میں کامیابی حاصل کی۔ اس سلسلے میں چترا کلکٹریٹ میں واقع ایس پی آفس میں منعقدہ پریس کانفرنس میں میڈیا کے ساتھ معلومات کا اشتراک کرتے ہوئے ایس پی نے کہا کہ خفیہ اطلاع کی بنیاد پر گدھور تھانہ علاقہ کے تحت گدھور راجا ٹانڑ سے کولیشوری مندر میلہ ٹانڑ کے راستے میں کچھ لوگ غیر قانونی افیون کی خرید و فروخت کی کوشش کر رہے ہیں۔ مذکورہ اطلاع کی بنیاد پر اطلاع کی تصدیق اور ضروری کارروائی کے لیے ایس ڈی پی او سمریا شبھم کمار کھنڈیوال کی قیادت میں ایک چھاپہ مار ٹیم تشکیل دی گئی اور مناسب چھاپہ مارا گیا۔ چھاپے کے دوران کل 340.23 کیلوگرام غیر قانونی افیم کے ساتھ سنتوش کمار، عمر تقریباً 19 سال، والد ہوریل دانگی، گاؤں گدھور پانڈے ٹولہ، تھانہ گدھور ضلع چترا کو گرفتار کیا گیا۔اس تناظر میں گدھور پولیس اسٹیشن کیس نمبر-46/2025، دفعہ-18 (B)/22 (C)/27 (A)/28/29 این ڈی پی ایس ایکٹ درج کیا گیا ہے۔ گرفتار اسمگلر سنتوش کمار سے افیون-340.23 کلوگرام اور موبائل-02 ضبط کیا گیا ہے۔ چھاپہ مار ٹیم میں شبھم کمار کھنڈیلوال (آئی پی ایس)، سب ڈویژنل پولیس آفیسر، سمریا ، وسیم رضا، ڈپٹی سپرنٹنڈنٹ آف پولیس، چترا، کمار گوتم، پولیس اسٹیشن انچارج گدھور اے ایس آئی ودیانند شرما،اور مسلح افواج کے جوان شامل تھے۔
