گڈ گورننس اور عوامی خدمت کے حوالے سے افسران کو دی گئیں ہدایات
جدید بھارت نیوز سروس
چترا،7؍جنوری: جھارکھنڈ اسمبلی کی سداچار (ایٹھکس) کمیٹی چترا ضلع کے دورے پر پہنچی، جہاں ضلع انتظامیہ نے ان کا گرمجوشی سے استقبال کیا۔ چترا سرکٹ ہاؤس میں کمیٹی کی آمد پر ڈی سی کریتی شری اور ایس پی سمت کمار اگروال نے پودا پیش کر کے کمیٹی کے چیئرمین و منیکا کے ایم ایل اے رام چندر سنگھ اور کمیٹی کے رکن و سندری کے ایم ایل اے چندر دیو مہتو کا استقبال کیا۔ استقبالیہ تقریب میں ضلع کے اعلیٰ حکام بھی موجود رہے۔استقبال کے بعد سرکٹ ہاؤس کے میٹنگ ہال میں صداچار کمیٹی کا اجلاس منعقد ہوا، جس کی صدارت چیئرمین رام چندر سنگھ نے کی۔ اجلاس میں ضلع کے تمام محکموں کے کاموں کا محکمہ وار جائزہ لیا گیا۔ کمیٹی نے انتظامی نظام، سرکاری منصوبوں کے نفاذ، دفاتر کے طریقہ کار، عوامی خدمت سے متعلق مسائل اور اخلاقی طرزِ عمل پر تفصیلی تبادلہ خیال کیا۔ کمیٹی نے افسران سے ان کے محکموں کی تازہ ترین پیش رفت، چیلنجز اور مستقبل کے منصوبوں کے بارے میں تفصیلی معلومات حاصل کیں۔اجلاس کے دوران کمیٹی نے شفافیت، گڈ گورننس اور جوابدہی کو اولین ترجیح قرار دیتے ہوئے منصوبوں کو مؤثر طریقے سے نافذ کرنے پر زور دیا۔ ساتھ ہی، عام آدمی سے متعلق کاموں میں حساسیت اور فوری حل کو یقینی بنانے کی سمت میں ٹھوس اقدامات کرنے کی ضرورت پر بھی زور دیا گیا۔ کمیٹی نے مختلف محکموں کے درمیان ہم آہنگی کو مزید مضبوط بنانے کی طرف بھی توجہ دلائی۔ڈپٹی ڈیولپمنٹ کمشنر امریندر کمار سنہا نے ضلع میں جاری ترقیاتی اور عوامی فلاحی منصوبوں کی موجودہ صورتحال، پیش رفت اور مستقبل کی سمت کے بارے میں کمیٹی کو تفصیلی بریفنگ دی۔ انہوں نے بتایا کہ انتظامیہ گڈ گورننس اور شفافیت کی پالیسی کے تحت عوام کے مفاد میں کام کر رہی ہے اور تمام منصوبوں کو مقررہ وقت پر لاگو کرنے کی کوششیں جاری ہیں۔اجلاس کے اختتام پر صداچار کمیٹی نے چترا ضلع انتظامیہ کے کاموں کی ستائش کی اور ضروری تجاویز بھی دیں۔ اجلاس میں ڈویژنل فارسٹ آفیسر (جنوبی) مکیش کمار، ایڈیشنل کلکٹر اروند کمار، ڈی آر ڈی اے ڈائریکٹر الکا کماری، ڈسٹرکٹ ٹرانسپورٹ آفیسر مہیشوری پرساد، ڈسٹرکٹ لینڈ ایکوزیشن آفیسر ویبھو سنگھ سمیت تمام متعلقہ محکموں کے افسران اور ملازمین موجود تھے۔
