رام گڑھ: ایم ایل اے ممتا دیوی نے پی سی سی سڑک کا سنگ بنیاد رکھا

چتر پور کے لوگوں کو ملے گی بڑی راحت

جدید بھارت نیوز سروس
رام گڑھ، 26 اپریل: رام گڑھ کی ایم ایل اے ممتا دیوی نے سنیچر کے روز چتر پور جنوبی پنچایت میں ایک نئی پی سی سی (PCC) سڑک کا سنگ بنیاد رکھا۔ ‘دارالمطالعہ ‘ سے ‘فرحت پان دکان ‘ تک تعمیر ہونے والی اس سڑک پر ڈی ایم ایف ٹی (DMFT) فنڈ سے تقریباً 24 لاکھ روپے لاگت آئے گی۔ اس موقع پر ایم ایل اے اور رکن پارلیمنٹ کے نمائندے راجیو جیسوال نے مشترکہ طور پر ناریل پھوڑ کر سنگِ بنیاد کی نقاب کشائی کی۔ تقریب سے خطاب کرتے ہوئے ایم ایل اے ممتا دیوی نے کہا کہ وہ رام گڑھ اسمبلی حلقہ کی ہمہ جہت ترقی کے لیے پوری طرح پرعزم ہیں اور اس سڑک کی تعمیر سے مقامی لوگوں کی آمد و رفت میں بڑی سہولت پیدا ہوگی۔ دوسری جانب، رکن پارلیمنٹ کے نمائندے راجیو جیسوال نے ٹھیکیدار کو کام وقت پر مکمل کرنے کی ہدایت دیتے ہوئے واضح کیا کہ کام کے معیار پر کوئی سمجھوتہ نہیں کیا جائے گا۔ اس موقع پر ارجن ورما، احسان اللہ، زاہد احمد، فلاح الدین، محمد ساجد، فیصل احمد، سعید انور اور ہتیش پٹیل سمیت کئی معززین موجود تھے۔