جدید بھارت نیوز سروس
پلاموں، 3 اگست : بدنام زمانہ مجرم راہل دوبے گینگ کے دو مجرموں کو گرفتار کیا گیا ہے۔گرفتار مجرموں میں راکیش کمار (24) اور رجنی کانت مہتا (22) شامل ہیں۔ دونوں کو صدر میدنی نگر تھانے کی پولیس نے چکرو سے پکڑا۔ دونوں مجرم ستبروا تھانہ علاقہ میں مجرمانہ واردات کرنے جارہے تھے۔ گرفتاری کے بعد دونوں کا ایم ایم سی ایچ میں طبی چیک اپ کیا گیا اور پھر انہیں اتوار کو عدالتی تحویل میں بھیج دیا گیا۔ضلع پولیس سپرنٹنڈنٹ رشما رمیشن کو خفیہ اطلاع ملی کہ موٹر سائیکل پر سوار دو افراد ایک بڑی مجرمانہ واردات کو انجام دینے کے لیے ستبروا جارہے ہیں۔ اطلاع کی تصدیق اور فوری کارروائی کے لیے تھانہ صدر سے خصوصی پولیس ٹیم تشکیل دے کر کارروائی کے لیے بھیج دی گئی۔ٹیم نے ہائی وے پر چکرو کے ٹول پلازہ کے قریب نگرانی شروع کر دی۔ کچھ دیر بعد ڈالٹن گنج کی طرف سے موٹر سائیکل پر دو مشکوک افراد کو آتے دیکھا گیا، جنہیں رکنے کا اشارہ کیا گیا۔ لیکن یہ دونوں پولیس فورس کو چکمہ دے کر بھاگنے لگے لیکن انہیں فوری طور پر پیچھا کر کے پکڑ لیا گیا۔پوچھ گچھ کے دوران یہ بات سامنے آئی کہ دونوں مجرم راہول دوبے گینگ کے سرگرم رکن ہیں اور ان کی ہدایت پر چیانکی سے پولپول میں ہائی وے کی تعمیر کے مقام پر گولی باری کرنے جارہے تھے۔ملزمان کے قبضے سے ایک دیسی ساختہ پستول، تین زندہ کارتوس، دو موبائل فون، ایک مسروقہ اسپلنڈر موٹرسائیکل جس پر جعلی نمبر پلیٹ لگی تھی برآمد کر لی گئی۔
راہل دوبے گینگ کے دو غنڈے گرفتار
