آئندہ مردم شماری میں 7ویں کالم میں سرنا کوڈ شامل کرنے کا مطالبہ
جدید بھارت نیوز سروس
رانچی، 22 مئی: جھارکھنڈ پردیش کانگریس کمیٹی کے صدر کیشو مہتو کملیش کی صدارت میں آج کانگریس بھون، رانچی میں راج بھون دھرنا پروگرام کی تیاری کولیکر میٹنگ ہوئی۔ میٹنگ میں بنیادی طور پر سرنا کوڈ کے حوالے سے 26 مئی 2025 کو راج بھون کے سامنے بڑے دھرنے کی شاندار کامیابی پر تبادلہ خیال کیا گیا۔ اس موقع پر سابق وزیر بنا گپتا، رما کھلکھو، او بی سی کانگریس کے صدر ابھیلاش ساہو، رانچی مہانگر صدر ڈاکٹر کمار راجہ، قبائلی کانگریس صدر جوسائی مارڈی، مہیلا کانگریس صدر گنجن سنگھ، راجن ورما خصوصی طور پر موجود تھے۔میٹنگ میں ریاستی صدر کیشو مہتو کملیش نے کہا کہ جھارکھنڈ ایک قبائلی اکثریتی ریاست ہے جو سرنا دھرم میں یقین رکھتی ہے اور قدیم روایات اور فطرت کی پوجا کرتی ہے۔ سرنا دھرم کے زندہ صحیفے جل ، جنگل، زمین اور فطرت ہیں۔ سرنا دھرم کی ثقافت، عبادت کا نظام، نظریات اور عقائد تمام مروجہ مذاہب سے مختلف ہیں۔ وہ درختوں اور پہاڑوں کی پوجا اور جنگلات کی حفاظت کو اپنا مذہب مانتے ہیں۔ قبائلی سرنا برادری اپنے مذہبی وجود کے تحفظ کے لیے گزشتہ کئی سالوں سے مردم شماری کوڈ میں سرنا دھرم کو شامل کرنے کا مطالبہ کر رہی ہے۔قابل ذکر ہے کہ ہندوؤں، مسلمانوں، سکھوں، عیسائیوں، بودھ اور جینوں کے لیے کوڈ طے کیے گئے ہیں لیکن قبائلی سرنا دھرم کے لوگوں کے لیے مردم شماری کے فارم میں کوئی الگ کوڈ نہیں دیا گیا ہے۔ جھارکھنڈ اسمبلی میں ایک قرارداد بھی منظور کی گئی تھی ، جس میں قبائلیوں کے لیے سرنا دھرم کو مرکزی حکومت سے ساتویں کالم میں شامل کرنے کا مطالبہ کیا گیا تھا، لیکن مرکزی حکومت خاموش ہے۔ 26 مئی 2025 بروز پیر صبح 11 بجے راج بھون رانچی کے سامنے ایک زبردست احتجاجی مظاہرے کا پروگرام ترتیب دیا گیا ہے۔ انہوں نے تمام کانگریسیوں سے درخواست کی ہے کہ وہ قبائلی روایتی لباس پہن کر مذکورہ احتجاجی پروگرام میں شرکت کریں۔میٹنگ میں سندری ترکی، میری ترکی، دیامنی بارلا، ولشن ٹوپنو،ا نوپ لکڑا، ویدھ ناتھ کوڑا، راج باکھلا، ہری موہن ٹوڈو، راجیش کمار ہانسدا، سمیر ہانسدا، سنیل منج، اجیت پال کجور ، گگن کمار مہلی، ابھیجیت بالموچو، مہیش منڈا، دیوناتھ اوراؤں، چندررائے مارڈی، وجے دیوگم سمیت سینکڑوں کانگریسی شامل تھے۔
