اب جھارکھنڈ میں بھی آندھرا پردیش کی طرز پر مچھلی کاشت کی جائے گی:ڈاکٹر ایچ این دویدی
جدید بھارت نیوز سروس
رانچی، 11؍اگست: اب آندھرا پردیش کی طرز پر جھارکھنڈ میں بھی مچھلی کی فارمنگ کی جائے گی۔ نیشنل فشریز ڈیولپمنٹ بورڈ (NFDB) نے اس سمت میں پہل کی ہے۔ NFDB کی مدد سے، جھارکھنڈ کے مچھلی کاشتکاروں کی 14 رکنی ٹیم نے 7 سے 9 اگست تک آندھرا پردیش کے مختلف اضلاع کا دورہ کیا اور مچھلی کی پیداوار کی جدید ترین تکنیکوں سے واقف ہوئے۔ جھارکھنڈ فشریز ڈائریکٹوریٹ کے حکام کے مطابق ماہی پروری ڈائریکٹوریٹ کی جانب سے ریاست کو مچھلی کی پیداوار میں خود کفیل بنانے کی مسلسل کوششیں کی جارہی ہیں۔ ریاست کے مچھلی کاشتکاروں کو فشریز ڈپارٹمنٹ کی طرف سے مرکزی اور ریاستی اسپانسر شدہ اسکیموں کے ذریعے فائدہ پہنچایا جا رہا ہے۔ علیحدہ ریاست کے قیام کے بعد جھارکھنڈ میں مچھلی کی پیداوار کا گراف لگاتار بلند ہو رہا ہے۔ جھارکھنڈ مچھلی کی پیداوار میں خود کفالت کی طرف بڑھ رہا ہے۔ فشریز ڈائریکٹوریٹ سے موصولہ اطلاع کے مطابق اس سمت میں نیشنل فشریز ڈیولپمنٹ بورڈ (NFDB) کا تعاون بھی حاصل کیا گیا ہے۔ محکمہ کے عہدیداروں نے بتایا کہ جھارکھنڈ حکومت کی زراعت، حیوانات اور تعاون کی وزیر شلپی نیہا ترکی کے رہنما خطوط کی روشنی میں مچھلی کاشتکاروں کو این ایف ڈی بی، حیدرآباد کے تعاون سے آندھرا پردیش کے مختلف اضلاع کے دورے پر لے جایا گیا۔مچھلی کے کسانوں نے آندھرا پردیش میں ایلورو، کیکلورو، بھیماورن، مچھلی پٹنم وغیرہ جیسے مقامات کا دورہ کیا۔ اس سے مچھلی کاشتکار بہت پرجوش ہوئے اور انہوں نے آندھرا پردیش کی طرز پر جھارکھنڈ کے تالابوں میں مچھلی کاشت کرنے کا عزم کیا۔ایلورو، آندھرا پردیش کے اسسٹنٹ فشریز ڈائرکٹر بی راج کمار کی مدد سے مچھلی کاشتکاروں کو آندھرا پردیش کے مختلف مقامات کے دورے پر لے جایا گیا۔ مچھلی کاشتکاروں کا آندھرا پردیش سے رانچی واپسی پر ڈائریکٹوریٹ آف فشریز نے خیرمقدم کیا۔ڈائرکٹر فشریز ڈاکٹر ایچ این دویدی نے کہا کہ این ایف ڈی بی کی مدد سے انٹر اسٹیٹ ٹور پروگرام کا انعقاد مچھلی کاشتکاروں کے لیے بہت مددگار ہے۔ مچھلی کی پیداوار میں ملک کی دیگر سرکردہ ریاستوں کا دورہ کرکے جھارکھنڈ کے مچھلی کاشتکاروں کے تجربات سے فائدہ اٹھانا جھارکھنڈ کے مچھلی کاشتکاروں کے لیے بہت فائدہ مند ثابت ہوگا۔مذکورہ معلومات فشرمین ٹریننگ سنٹر شالیمار (دھروا) کے چیف انسٹرکٹر پرشانت کمار دیپک نے دی۔
