چیئرمین عہدے کے لیے 9 امیدواروں نے داخل کیے کاغذات نامزدگی
جدید بھارت نیوز سروس
سمڈیگا،04؍ فروری:ضلع میں میونسپل عام انتخابات 2026 کے تحت مورخہ 04 فروری 2026 کو کاغذات نامزدگی داخل کرنے کا عمل مکمل جوش و خروش، نظم و ضبط اور پرامن ماحول میں انجام پایا۔ مختلف نامزدگی مراکز پر چیئرمین اور وارڈ کونسلر کے عہدوں کے لیے امیدواروں نے ضابطے کے مطابق اپنے کاغذات نامزدگی داخل کیے۔چیئرمین کے عہدے کے لیے پروجیکٹ ڈائریکٹر، آئی ٹی ڈی اے، سمڈیگا کے دفتر میں کل 09 امیدواروں نے اپنی نامزدگی داخل کی۔وارڈ کونسلر کے عہدے کے لیے وارڈ نمبر 01 سے 05 تک نامزدگی کا عمل بلاک ڈیولپمنٹ آفیسر (BDO)، سمڈیگا کے دفتر میں مکمل ہوا۔ اس دوران وارڈ نمبر 01 سے 05، وارڈ نمبر 02 سے 07، وارڈ نمبر 03 سے 02، وارڈ نمبر 04 سے 06 اور وارڈ نمبر 05 سے 03 امیدواروں نے نامزدگی داخل کی۔ اسی طرح وارڈ نمبر 06 سے 10 کے لیے نامزدگی کا عمل سرکل آفیسر (CO)، سمڈیگا کے دفتر میں مکمل کیا گیا۔ ان وارڈوں میں بالترتیب وارڈ نمبر 06 سے 04، وارڈ نمبر 07 سے 11، وارڈ نمبر 08 سے 10، وارڈ نمبر 09 سے 08 اور وارڈ نمبر 10 سے 05 امیدواروں نے کاغذات نامزدگی جمع کرائے۔ وارڈ نمبر 11 سے 15 کے لیے نامزدگی لینڈ ریفارمز ڈپٹی کلکٹر (LRDC)، سمڈیگا کے دفتر میں ہوئی، جہاں وارڈ نمبر 11 سے 06، وارڈ نمبر 12 سے 05، وارڈ نمبر 13 سے 03، وارڈ نمبر 14 سے 03 اور وارڈ نمبر 15 سے 02 امیدواروں نے نامزدگی داخل کی۔ وہیں وارڈ نمبر 16 سے 20 کے لیے نامزدگی کا عمل ڈسٹرکٹ پنچایتی راج آفیسر، سمڈیگا کے دفتر میں مکمل ہوا۔ اس دوران وارڈ نمبر 16 سے 02، وارڈ نمبر 17 سے 05، وارڈ نمبر 18 سے 05، وارڈ نمبر 19 سے 08 اور وارڈ نمبر 20 سے 10 امیدواروں نے اپنے کاغذات نامزدگی داخل کیے۔ نامزدگی کے عمل کے دوران ضلعی انتظامیہ کی جانب سے امن و امان برقرار رکھنے اور مثالی ضابطہ اخلاق (Adarsh Achar Sanhita) کی پابندی کے حوالے سے تمام ضروری انتظامات کو یقینی بنایا گیا۔ تمام نامزدگی مراکز پر انتظامی اور حفاظتی انتظامات انتہائی سخت رہے۔
