جدید بھارت نیوز سروس
رام گڑھ، 18؍ اپریل: مکیش کمار لونایت نےسنیچر کو رام گڑھ کے نئے پولیس سپرنٹنڈنٹ (ایس پی) کے طور پر چارج سنبھال لیا۔ عہدہ سنبھالتے ہی انہوں نے واضح اشارہ دیا کہ ان کا طرزِ عمل “پیپل فرینڈلی پولیسنگ” (عوام دوست پولیسنگ) پر مبنی ہوگا، جس میں عام جنتا اور پولیس کے درمیان اعتماد کو مضبوط کرنا سب سے بڑی ترجیح رہے گی۔ انہوں نے یقین دلایا کہ ہر شکایت کو سنجیدگی سے لیا جائے گا اور اسے مقررہ وقت میں حل کیا جائے گا۔ ایس پی لونایت نے کہا کہ عام شہری بغیر کسی خوف یا جھجھک کے پولیس سے رابطہ کر سکیں، اس کے لیے عوام اور پولیس کے درمیان دوری کو کم کرنے پر کام کیا جائے گا۔ مزید برآں، انہوں نے کہا کہ پولیس اپنا معمول کا کام جاری رکھے گی اور منظم جرائم کے خلاف منصوبہ بند طریقے سے سخت کارروائی کرنے اور تھانہ کی سطح پر پولیس کے طریقہ کار کو مزید موثر اور عوام دوست بنانے پر خصوصی زور دیا جائے گا۔ انہوں نے یہ بھی کہا کہ مختلف تھانوں میں جو ریکارڈز موجود ہیں انہیں اپ ڈیٹ کرنا اور زیرِ التوا مقدمات کو جلد از جلد نمٹانا ان کی ترجیحات میں شامل رہے گا۔
مکیش کمار لونایت بنے رام گڑھ کے نئے ایس پی
