جدید بھارت نیوز سروس
رانچی، 17 فروری: بی جے پی کے ریاستی صدر اور سابق وزیر اعلیٰ بابولال مرانڈی نے کہا کہ مودی حکومت مناسب معیاری تعلیم فراہم کرنے اور قبائلی بچوں کو بااختیار بنانے کے لیے پرعزم ہے۔ انہوں نے کہا کہ وزیر اعظم نریندر مودی کی قیادت میں مرکزی حکومت نے جھارکھنڈ میں قبائلی بچوں کی تعلیم اور انہیں بااختیار بنانے کے لیے ایک اہم قدم اٹھایا ہے۔ انہوں نے کہا کہ جھارکھنڈ میں ایک ساتھ 44 ایکلویہ ماڈل رہائشی اسکول (ای ایم آر ایس) شروع کیے جا رہے ہیں، جن کے ذریعے قبائلی طلباء مفت اور معیاری تعلیم حاصل کریں گے۔ یہ اسکول جدید سہولیات اور محفوظ ماحول کے ساتھ طلباء کی ہمہ گیر ترقی میں مددگار ثابت ہوں گے۔انہوں نے کہا کہ یہ اقدام قبائلی سماج کو تعلیم کے ذریعے بااختیار بنانے کی سمت میں اہم ثابت ہوگا۔ایکلویہ ماڈل رہائشی اسکولوں کے ذریعہ قبائلی بچوں کو روشن مستقبل دینے کی کوششیں کی جارہی ہیں۔ مفت اور جدید تعلیم فراہم کر کے حکومت نہ صرف طلباء کی تعلیمی ترقی کو فروغ دے رہی ہے بلکہ ان کی مجموعی ترقی میں بھی اپنا کردار ادا کر رہی ہے۔
مودی حکومت قبائلی بچوں کی تعلیم اور بااختیار بنانے کیلئےپرعزم: بابولال مرانڈی
