وزیر شلپی نیہا ترکی نے ریکھا ترکی کو اعلیٰ تعلیم کیلئےایک لاکھ کا چیک دیا

جدید بھارت نیوز سروس
رانچی، یکم جون: زراعت، حیوانات اور تعاون کی وزیر شلپی نیہا ترکی نے JAC کے 12ویں کے امتحان میں کامرس مضمون میں ریاست میں چھٹا مقام حاصل کرنے والی ریکھاترکی سے ملاقات کی۔ وزیر شلپی نیہا ترکی نے میسال، مانڈر میں مہادیو اورائوں کی رہائش گاہ پہنچ کر ریکھا کو اعزاز سے نوازا۔ وزیر شلپی نیہا ترکی نے ریکھا ترکی کی ماں سیتا اورائوں کے نام ایک لاکھ کا چیک پیش کیا ہے۔ یہ رقم ریکھا کی اعلیٰ تعلیم میں مالی رکاوٹ کو دور کرنے میں مددگار ثابت ہوگی۔ مہادیو اورائوںکا خاندان وزیر کو اپنی رہائش گاہ اور خاندان کے درمیان پا کر بہت خوش نظر آیا۔ وزیر شلپی نیہا ترکی نے اس موقع پر کہا کہ اپنے مقصد کو حاصل کرنے کے لیے سخت محنت، نظم و ضبط اور لگن سے کامیابی حاصل کی جا سکتی ہے۔ آج ریکھا ترکی غربت پر قابو پا کر اپنا مقصد حاصل کرنے میں کامیاب ہو گئی ہیں۔ اس کے والدین یومیہ اجرت پر کام کرتے تھے اور ریکھا کے خوابوں کی تعبیر میں ایک ذمہ دار سرپرست کا کردار ادا کرتے تھے۔ انہوں نے کہا کہ آج ریکھا نے پورے قبائلی سماج کو سر فخر سے بلند کردیا ہے۔ریکھا نے آنے والی نسل کے لیے یہ ثابت کر دیا ہے کہ حالات جیسے بھی ہوں ذہن میں لگن اور قوت ارادی ہو تو کامیابی ضرور آپ کے قدم چومے گی۔وزیر شلپی نیہا ترکی نے کہا ہے کہ ریکھا کے روشن مستقبل کے لیے کیریئر کونسلنگ کی ضرورت ہوگی۔ ریکھا کی اعلیٰ تعلیم کے لیے ہر ممکن مدد کی جائے گی۔ اس موقع پر ریکھا ترکی کا کہنا تھا کہ پہلے انہیں اپنے والدین سے اپنی تعلیم کے لیے پیسے مانگنا بہت برا لگتا تھا۔ اب جبکہ وزیر شلپی نیہا ترکی نے ایک لاکھ روپے کا عطیہ دیا ہے، یہ ان کے لیے بہت مددگار ثابت ہوگا۔ ریکھا نے کہا کہ وہ مستقبل میں اکاؤنٹس آنرز کرنا چاہتی ہیں۔